بنوں میں جنرل بس اسٹیشن پر بارودی مواد کا دھماکہ ، ایک پولیس اہلکار شہید ،13 افراد زخمی

Sumaira Faqir Hussain سمیرا فقیرحسین جمعہ مئی 11:36

بنوں میں جنرل بس اسٹیشن پر بارودی مواد کا دھماکہ ، ایک پولیس اہلکار ..
بنوں (اُردو پوائنٹ تازہ ترین اخبار۔ 11 مئی 2018ء) : بنوں میں جنرل بس اسٹیشن کے قریب دھماکہ ہوا۔ میڈیا رپورٹس کے مطابق بنوں میں جنرل بس اسٹیشن پر کھڑی پولیس وین کے قریب بارودی مواد کا دھماکہ ہوا۔  دھماکے میں پولیس وین کو نشانہ بنایا گیا۔ دھماکے کی اطلاع موصول ہوتے ہی ریسکیو ٹیموں کو جائے وقوعہ کی جانب روانہ کر دیا گیا ہے۔

(جاری ہے)

سکیورٹی فورسز نے دھماکے کی جگہ کو گھیرے میں لے لیا ہے۔ ریسکیو حکام کے مطابق دھماکے میں ایک پولیس اہلکار شہید جبکہ پولیس اہلکاروں سمیت 13 افراد زخمی ہوئے۔ زخمی اہلکاروں کو طبی امداد کے لیے قریبی اسپتال روانہ کر دیا گیا ہے۔  تفتیشی پولیس کا کہنا ہے کہ دھماکہ ریمورٹ کنٹرول بم سے کیا گیا۔ سکیورٹی فورسز کے مطابق دھماکے کی جگہ کا جائزہ لیا جارہا ہے۔

متعلقہ عنوان :