قومی آرچڑی ٹیم کے کھلاڑیوں کا تربیتی کیمپ اسلام آباد میں جاری

جمعہ 11 مئی 2018 13:55

اسلام آباد ۔ (اُردو پوائنٹ اخبارتازہ ترین - اے پی پی۔ 11 مئی2018ء) پاکستان آرچڑی فیڈریشن کے زیراہتمام اور پاکستان سپورٹس بورڈ کے تعاون سے ایشین گیمز کی تیاری کے سلسلہ میں قومی ٹیم کے کھلاڑیوں کا تربیتی کیمپ پاکستان سپورٹس کمپلیکس میں جاری ۔

(جاری ہے)

پاکستان آرچڑی فیڈریشن کے سیکرٹری جنرل محمد وصال خان نے بتایا کہ تربیتی کیمپ میں گیارہ کھلاڑی حصہ لے رہے ہیں جن میں چھ مرد اور پانچ خواتین کھلاڑی شامل ہیں، مرد کھلاڑیوں میں محمد طیب، ادریس مجید، سیف اللہ ، محمد ندیم، نعمان ثاقب اور اسامہ مصطفی جبکہ خواتین کھلاڑیوں میں نبیلہ کوثر، ام زہرہ، سنبل زیبر جبکہ پاکستان اقصی نواز شامل ہیں ان کھلاڑیوں کو تین کوچز جدید اور اعلی تربیت دے رہے ہیں جن ہیڈ کوچ سرفراز، کوچ عمران خان اور پاکستان آرمی کے جلال الدین شامل ہیں۔

انہوں نے کہا کہ ان کھلاڑیوں کا انتخاب میرٹ کی بنیاد پر ٹرائلز کے ذریعے کیا گیا ہے اور ٹیم کے منتخب کھلاڑی رواں سال اگست میں انڈونیشیا میں کھیلی جانے والی ایشین گیمز میں شرکت کرے گی۔ ایک سوال کے جواب میں انہوں نے کہا کہ پاکستان میں آرچڑی کے کوچز کوالیفائیڈ ہیں اور ان کو چز کو مزید تربیت کیلئے بیرون ملک بھیجا جائیگا۔