الیکشن کمیشن آف پاکستان نے ملک بھرکی رجسٹرڈ 110 سیاسی جماعتوں سے انتخابی نشان کے لیے درخواستیں مانگ لیں

جمعہ مئی 17:42

الیکشن کمیشن آف پاکستان نے ملک بھرکی رجسٹرڈ 110 سیاسی جماعتوں سے انتخابی ..
اسلام آباد(اُردو پوائنٹ اخبارتازہ ترین۔ 11 مئی2018ء) الیکشن کمیشن آف پاکستان نے ملک بھرکی رجسٹرڈ 110 سیاسی جماعتوں سے انتخابی نشان کے لیے درخواستیں مانگ لیں۔میڈیا رپورٹ کے مطابق الیکشن کمیشن نے آئندہ انتخابات کے لیے ملک بھرکی 110 رجسٹرڈ سیاسی جماعتوں سے انتخابی نشان کے حصول کیلئے درخواستیں طلب کرلی ہیں۔

(جاری ہے)

الیکشن ایکٹ کے تحت تمام سیاسی جماعتیں 5 فیصد ٹکٹ خواتین کودینے کی پابند ہیں، اس کے علاوہ سیاسی جماعتیں انٹرا پارٹی انتخابات اور گوشوارے جمع کرانے کی بھی پابند ہیں۔

الیکشن کمیشن کی جانب سے ہدایات جاری کی گئی ہیں کہ تمام جماعتیں درخواستوں کے ساتھ خواتین کوکم ازکم 5 فیصد ٹکٹ دینے کے حلف نامے اوردیگرلازم دستاویزات منسلک کئے جائیں، ایسا نہ کرنے والی سیاسی جماعتوں کو انتخابی نشان تفویض نہیں کیا جائے گا۔