سوشل میڈیا پر بیوی کے گُن گانے والے شخص کی ویڈیو وائرل

ماں باپ دوبارہ مل جاتے ہیں، بیوی دوبارہ نہیں ملتی۔ بات کرتے کرتے آبدیدہ ہوگیا

Sumaira Faqir Hussain سمیرا فقیرحسین جمعہ مئی 17:28

سوشل میڈیا پر بیوی کے گُن گانے والے شخص کی ویڈیو وائرل
لاہور (اُردو پوائنٹ تازہ ترین اخبار۔ 11 مئی 2018ء) : شادی کے بعد ساس بہو کی لڑائیوں میں بے چارہ دلہا ہی پس جاتا ہے، ہر لڑائی کے بعد چاہے غلطی والدہ کی ہو یا بیوی کی، ہر معاملے میں دلہے کو ہی باتیں سننا پڑتی ہیں۔ کئی لوگ تو اپنی والدہ کی سائیڈ لے کر بیوی کو خاموش کروا دیتے ہیں تو کئی لوگ اپنی بیوی کے علاوہ کسی کی نہیں سُنتے۔ سوشل میڈیا پر بھی حال ہی میں ایک ایسے شخص کی ویڈیو وائرل ہوئی جو اپنی بیوی سے بے انتہا محبت کرتا ہے۔

اس ویڈیو میں مذکورہ شخص کا کہنا ہے کہ میرے والدین نے میری بیوی کو مارا پیٹا اور اب کہہ رہے ہیں کہ صلح کر لو ، میں پاگل ہوں جو ایسا کروں۔ ماں باپ تو پھر بھی مل جاتے ہیں لیکن بیویاں کہاں ملتی ہیں؟ میں اپنے ماں باپ کو پیسے دیتا ہوں تو وہ مجھے گالیاں نکالتے ہیں اور اگر میں اپنے سسر کو دو سو روپے بھی دے دوں تو وہ مجھے پیار کرتے ہیں ماتھے پر بوسہ دیتے ہیں۔

(جاری ہے)

اصل ماں باپ ساس سسر ہی ہوتے ہیں۔ میں نے صاف کہہ دیا ہے کہ میرے ماں باپ میری بیوی سے معافی مانگ لیں تو میں گھر آجاؤں گا۔ میرے چھوٹے بھائی نے بھی میری بیوی پر ہاتھ اُٹھایا ہے، تین دن ہو گئے ہیں میرا اندر سے دل روتا ہے۔ میرا روٹی کھانے تک کو دل نہیں کرتا ، اتنا کہتے ہوئے مذکورہ شخص آبدیدہ ہو گیا اوراپنے سامنے بیٹھے شخص سے کہاکہ میرے بھائی کا کوئی حق نہیں بنتا کہ وہ میری بیوی کو مارے۔

میری بیوی میرے لیے سب کچھ چھوڑ کر آئی ہے۔ میں اس کو ذلیل نہیں کروا سکتا۔ میری بڑی بہن اپنے گھر سے لڑ کر 8 دن کے لیے ہمارے گھر آئی تو میری والدہ کو چین نہیں آیا ، یہی کہتی تھیں کہ میری بیٹی لڑ کر آ گئی ہے تو کیا میری بیوی کسی کی بیٹی نہیں ہے؟ ماں باپ مر جائیں تو سب آجاتے ہیں کہ ہم ان کی جگہ ہیں ، ہم بڑے ہیں ، اگر بیوی مر جائے تو کوئی اور نہیں آتا کہ میں تمہاری بیوی بن جاؤں گی ۔

جس نے عورت کی قدر نہیں کی وہ ذلیل ہی ہوا ہے۔ ویڈیو میں اس شخص نے بتایا کہ میری 5 لاکھ روپے کی کمیٹی نکلی تو میں نے چار ماہ کے لیےاس کو مری میں ہی رکھا۔ سارے پیسے ختم ہو گئے تو ہم گھر آگئے ۔ گھر آتے ہی میرے والد نے مجھے ڈانٹا تو میں نے انہیں کہا کہ میں نے یہ پیسے خود کمائے ہیں اور اپنی بیوی کو کھلائےہیں، میرے والد نے مجھے کہا کہ تمہاری بیوی 12 بجے سو کر اُٹھتی ہے اس سے کام کرواؤ ، میں نے انہیں صاف کہہ دیا کہ اگر میری بیوی نے ہی کام کرنا ہے تو آپ کو کس لیے رکھا ہوا ہے۔

میں اپنی بیوی کو پاؤں زمین پر نہیں لگانے دیتا ، میں فرش دھوتا ہوں، برتن دھوتا ہوں، بچوں کا خیال رکھتا ہوں۔ میں جب تک اپنی بیوی کو دباتا نہیں ہوں مجھے نیند نہیں آتی۔ اس ویڈیو نے سوشل میڈیا پر کچھ ہی دیر میں کافی مقبولیت حاصل کر لی ہے۔ سوشل میڈیا صارفین نے ویڈیو میں موجود اس شخص کا تمسخر اُڑایا اور کہا کہ ایسا شوہر قسمت والی خواتین کو ہی ملتا ہے جو اپنی بیوی سے پیار بھی کرے اور اس کے سارے کام بھی کرے۔ کسی نے اس ویڈیو پر مذاق اُڑایا ، کسی نے غصہ دکھایا تو کسی نے دُکھ کا اظہار کیا۔ سوشل میڈیا پر وائرل اس ویڈیو کو آپ بھی دیکھیں: