ماریا شیراپووا ناکام، پیٹرا کویٹوا اور کی کی برٹنز میڈرڈ اوپن ٹینس ویمنز سنگلز سیمی فائنل میں پہنچ گئیں

جمعہ 11 مئی 2018 18:01

میڈرڈ(اُردو پوائنٹ اخبارتازہ ترین۔ 11 مئی2018ء) جمہوریہ چیک کی پیٹرا کویٹوا اور ہالینڈ کی کی کی برٹنز فتوحات برقرار رکھتے ہوئے میڈرڈ اوپن ٹینس ٹورنامنٹ ویمنز سنگلز سیمی فائنل میں پہنچ گئیں، عالمی شہرت یافتہ ٹینس سٹار اور سابق عالمی نمبر ایک ماریا شیراپووا کوارٹر فائنل میں شکست کے بعد ٹائٹل کی دوڑ سے باہر ہو گئیں۔

(جاری ہے)

جمعہ کو میڈرڈ اوپن کے سلسلے میں کھیلے گئے ویمنز سنگلز کوارٹر فائنلز میں جمہوریہ چیک کی سٹار کھلاڑی پیٹرا کویٹوا نے عمدہ کارکردگی کا مظاہرہ کرتے ہوئے روس کی داریا کاسا ٹنکا کو سٹریٹ سیٹس میں 6-4 اور 6-0 سے ہرا کر سیمی فائنل کیلئے کوالیفائی کر لیا، ایک اور کوارٹر فائنل میں ہالینڈ کی کی کی برٹنز سخت مقابلے کے بعد روسی ٹینس کوئین ماریا شیراپووا کو 4-6، 6-2 اور 6-3 سے زیر کر کے ایونٹ کے ٹاپ فور تک رسائی حاصل کی۔