بھارت مقبوضہ کشمیرمیں چادر اور چار دیواری کی دھجیاں بکھیر رہا ہے‘ مودی سرکار تحریک آزاد ی کشمیر کو کچلنے کیلئے قتل عام میں خصوصی مہارت رکھنے والے بلیک کمانڈوز کو استعمال کررہی ہے ‘ مقبوضہ کشمیر میں صورتحال بتدریج خراب ہوتی جارہی ہے

آزاد کشمیر کے وزیر بحالیات و ٹرانسپورٹ ناصر حسین ڈار کی تاجروں کے وفود سے گفتگو

جمعہ 11 مئی 2018 18:08

مظفرآباد(اُردو پوائنٹ اخبارتازہ ترین - آئی این پی۔ 11 مئی2018ء) آزاد کشمیر کے وزیر بحالیات و ٹرانسپورٹ ناصر حسین ڈار نے کہا ہے کہ بھارت مقبوضہ کشمیرمیں چادر اور چار دیواری کی دھجیاں بکھیر رہا ہے ۔ مودی سرکار تحریک آزاد ی کشمیر کو کچلنے کے لیے قتل عام میں خصوصی مہارت رکھنے والے بلیک کمانڈوز کو استعمال کررہی ہے ۔ مقبوضہ کشمیر میں صورتحال بتدریج خراب ہوتی جارہی ہے حالات کچھ بھی ہوں کشمیر ی قوم کے حوصلے پست نہیں ہو سکتے ۔

(جاری ہے)

تاجروں کے وفود سے بات چیت کرتے ہوئے وزیر بحالیات ناصر حسین ڈار نے مزید کہا کہ ایک معاشی طور پر مضبوط و مستحکم پاکستان ہی تحریک آزادی کشمیر کی کامیابی اور مقبوضہ کشمیر کی آزادی کا ضامن ہے ۔ انہوں نے مزید کہا کہ وزیر اعظم آزاد کشمیر راجہ محمد فاروق حیدر خان کی ہدایت کی روشنی میں آزادخطہ میں سرمایہ کاری کو فروغ دینے کے لیے خصوصی مراعات دی جارہی ہیں ۔ انہوں نے مزید بتایا کہ آزاد کشمیر میں سیاحت اور ہائیڈل پاور جنریشن کے شعبوں میں سرمایہ کاری کے وسیع مواقع موجود ہیں ۔