پاکستان تحریک انصاف کل کراچی میں بھرپور عوامی طاقت کا مظاہرہ کرے گی

جلسہ گاہ میں ایک لاکھ افراد کی گنجائش ہے جبکہ 50 ہزار کرسیاں لگائی گئی ہیں،خرم شیر زمان

جمعہ مئی 19:29

پاکستان تحریک انصاف کل کراچی میں بھرپور عوامی طاقت کا مظاہرہ کرے گی
کراچی (اُردو پوائنٹ اخبارتازہ ترین۔ 11 مئی2018ء) پاکستان تحریک انصاف آج ہفتہ کو کراچی میں بھرپور عوامی طاقت کا مظاہرہ کرے گی ۔ اس سلسلے میں تحریک انصاف کی جانب سے ہفتہ کو الہ دین پارک سے متصل بازار گرانڈ میں عوامی جلسہ منعقد کیا جائے گا ۔ جلسے سے پی ٹی آئی کے سربراہ عمران خان اور دیگر رہنما خطاب کریں گے ۔ پی ٹی آئی کے رہنما خرم شیر زمان کے مطابق جلسہ گاہ میں ایک لاکھ افراد کی گنجائش ہے جبکہ 50 ہزار کرسیاں لگائی گئی ہیں ۔

جلسے کا اسٹیج 60 فٹ لمبا ، 40 فٹ چوڑا اور 60 فٹ اونچا رکھا گیا ہے ۔

(جاری ہے)

انہوں نے کہا کہ جلسے کا آغاز شام 7 بجے ہو گا ۔ جلسے کے حوالے سے تمام تیاریوں کو حتمی شکل دے دی گئی ہے ۔ انہوں نے بتایا کہ یہ جلسہ کراچی میں امن قائم ہونے کے حوالے سے منعقد کیا جا رہا ہے ۔ اس جلسے مں عمران خان کا خطاب انتہائی اہمیت کا حامل ہو گا اور عمران خان کراچی کے پیکیج کے حوالے سے اہم اعلانات کریں گے ۔ رات گئے پی ٹی آئی کے رہنماں نے جلسہ گاہ کا دورہ کیا اور انتظامات کا جائزہ لیا ۔ واضح رہے کہ عمران خان آج ہفتہ کو کراچی پہنچیں گے اور جلسے میں خطاب سے قبل وہ پارٹی رہنماں سے اہم ملاقات کریں گے ۔