آئی ٹی ایکسپرٹ کے مبینہ اغوائ کیس کی سماعت

اسلام آباد ہائیکورٹ کا سابق آئی جی اسلام آباد کے بیان حلفی جمع نہ کروانے پر برہمی کا اظہار ، دو ہفتے کی مہلت

جمعہ 11 مئی 2018 22:06

اسلام آباد(اُردو پوائنٹ اخبارتازہ ترین - آن لائن۔ 11 مئی2018ء) اسلام آباد ہائیکورٹ نے آئی ٹی ماہر کے مبینہ اغواء کیس کی سماعت پر سابق آئی جی اسلام آباد کی جانب بیان حلفی جمع نہ کروانے پر برہمی کا اظہار کرتے ہوئے دو ہفتے کی مہلت دیتے ہوئے سماعت ملتوی کر دی ۔

(جاری ہے)

گزشتہ روز اسلام آباد ہائیکورٹ کے جسٹس اطہرمن اللہ پر مشتمل سنگل رکنی بینچ نے مغوی کی بیوی کی درخواست پر سماعت کی ۔ سماعت شروع ہوئی تو ایس پی سی آئی اے عدالت میں پیش ہوئے ۔عدالت نے سابق آئی جی اسلام آباد خالد خٹک کی جانب سے بیان حلفی جمع نہ کروانے پر برہمی کا اظہار کیا اور انہیں آئندہ دو ہفتوں میں رپورٹ جمع کروانے کا حکم دیتے ہوئے سماعت ملتوی کر دی ۔