آئرلینڈ اور پاکستان کے درمیان تاریخی ٹیسٹ میچ کا پہلا روز بارش کی نذر

جمعہ 11 مئی 2018 22:12

ڈبلن ۔ (اُردو پوائنٹ اخبارتازہ ترین - اے پی پی۔ 11 مئی2018ء) آئرلینڈ اور پاکستان کی کرکٹ ٹیموں کے درمیان تاریخی ٹیسٹ میچ کا پہلا روز بارش کی نذر ہو گیا۔

(جاری ہے)

تفصیلات کے مطابق آئرش ٹیم نے جمعہ کو پاکستان کے خلاف ٹیسٹ کیریئر کا آغاز کرنا تھا لیکن بارش کی وجہ سے ٹاس بھی نہ ہو سکا اسطرح آئرش کھلاڑیوں کو ٹیسٹ ڈیبیو کیلئے اب دوسرے دن کا انتظار رہے گا۔ واضح رہے کہ آئرش ٹیم ٹیسٹ کھیلنے والی دنیا کی گیارہویں ٹیم بن جائے گی، اس سے قبل پاکستان، بھارت، آسٹریلیا، انگلینڈ، ویسٹ انڈیز، نیوزی لینڈ، جنوبی افریقہ، بنگلہ دیش، سری لنکا اور زمبابوے کی ٹیموں کو ٹیسٹ کھیلنے کا اعزاز حاصل ہے۔