حافظ آباد،ڈسٹرکٹ چمپیئن شپ کے پہلے رائونڈ میچ میں حافظ آباد الیون نے طاہر کرکٹ کلب پنڈی بھٹیاں کو8وکٹوں سے ہرا دیا

جمعہ 11 مئی 2018 22:13

حافظ آباد(اُردو پوائنٹ اخبارتازہ ترین - آن لائن۔ 11 مئی2018ء) ڈسٹرکٹ کرکٹ ایسوسی ایشن حافظ آباد کے زیر اہتمام ڈسٹرکٹ چمپیئن شپ کے پہلے رائونڈ میچ میں حافظ آباد الیون کرکٹ کلب نے طاہر کرکٹ کلب پنڈی بھٹیاں کو8وکٹوں سے ہرا دیا۔ تفصیلات کے مطابق طاہر کلب نے ٹاس جیت کر پہلے بیٹنگ کرتے ہوئے 19اوورز میں 133رنز اسکو ر کیے اور اس کے تمام کھلاڑی آئوٹ ہو گئے۔

(جاری ہے)

حافظ آباد الیون کی جانب سے مدثر بٹ نے شاندار بائولنگ کا مظاہرہ کرتے ہوئے 4اوورز میں 22رنز دے کر 3کھلاڑیوں کو آئوٹ کیا۔ جواب میں حافظ آباد الیون نے مطلوبہ حدف 16اوورز میں 2وکٹوں کے نقصان پر پورا کر لیا۔ حافظ آباد الیون کی طرف سے ندیم مجید انصاری نے بغیر آئوٹ ہوئے 69رنز اسکور کیے۔ میچ جیتنے پر حافظ آباد الیون کے جنرل سیکرٹری محمد ہارون صدیقی نے تمام کھلاڑیوں کو مبارکباد دی۔