محکمہ زراعت نے کاشتکاروں کو زرعی زہروں کی خریداری میں احتیاط برتنے کی ہدایت

ہفتہ 12 مئی 2018 13:01

فیصل آباد۔12 مئی(اُردو پوائنٹ اخبارتازہ ترین - اے پی پی۔ 12 مئی2018ء)محکمہ زراعت نے کاشتکاروں ،کسانوں ،زمینداروں کو زرعی زہروں کی خریداری میں انتہائی احتیاط برتنے کی ہدائت کی ہے اور کہا ہے کہ کاشتکار نقالوں ، جعلی زرعی ادویات فروخت کرنے والوں سے ہوشیار رہیں اور زرعی ادویات و زہریں خریدتے وقت متعلقہ ڈیلر کے پاس محکمہ زراعت کا رجسٹریشن لائسنس ضرور چیک کر لیں نیز ایسی زرعی ادویات کی خرید یقینی بنائی جائے جن پر سیل نصب ہو اور ان کی پیکنگ میں بھی کسی قسم کے کوئی شبہات نہ ہوں ۔

(جاری ہے)

ایک ملاقات کے دوران محکمہ زراعت فیصل آباد کے ترجمان نے کہا کہ کاشتکار زرعی ادویات اور زہریں خریدتے وقت متعلقہ پیسٹی سائیڈ ڈیلر سے رسید ضرور حاصل کریں تاکہ اگر زرعی ادویات اور زہریں جعلی یا غیر معیار ی و ناقص ہوں تو ان کے خلاف قانونی کارروائی عمل میں لائی جا سکے۔

Facebook Twitter Google + Share on Whatsapp

محکمہ زراعت نے کاشتکاروں کو زرعی زہروں کی خریداری میں احتیاط برتنے کی ہدایت

مزید زراعت کی خبریں