نڈال نے مسلسل سیٹ جیتنے کا 34سال پرانا عالمی ریکارڈ توڑ دیا

ہفتہ 12 مئی 2018 13:15

میڈرڈ(اُردو پوائنٹ اخبارتازہ ترین - این این آئی۔ 12 مئی2018ء) شہرہ آفاق ٹینس اسٹار اور عالمی نمبر ایک رافیل نڈال نے جان میک اینروئے کا سنگل کورٹ پر مسلسل زیادہ سیٹس جیتنے کا 34 سالہ پرانا ریکارڈ توڑ دیا۔میڈیارپورٹ کے مطابق نڈال نے میڈرڈ اوپن ٹینس ٹورنامنٹ کے پری کوارٹر فائنل میں ارجنٹائن کے ڈائیگو کے خلاف فتح حاصل کر کے یہ سنگ میل عبور کیا۔

(جاری ہے)

کلے کورٹ کے بے تاج بادشاہ نڈال نے 6-3 اور 6-3 سے فتح سمیٹ کر لگاتار 50سیٹ جیتنے کے ساتھ ساتھ 34سال پرانا ریکارڈ بھی توڑا۔جان میک اینروئے نے 1984 میں بغیر سیٹ ہارے سنگل کورٹ پر مسلسل 49 کامیابیاں حاصل کی تھیں۔نڈال نے یہ ریکارڈ گزشتہ سال فرنچ اوپن کے ساتھ ساتھ رواں سال بارسلونا اوپن اور مونٹی کارلو اوپن کے دوران قائم کیا۔31 سالہ عالمی نمبر ایک کا میڈرڈ اوپن کے کوارٹر فائنل میں ڈومینک تھیم سے مقابلہ ہو گا۔