جیکب آباد،جمس اسپتال میں ایمرجنسی وارڈ شروع نہ کرنے کیخلاف اے پی سی کا احتجاجی مظاہر ہ

ہفتہ مئی 19:06

جیکب آباد(اُردو پوائنٹ اخبارتازہ ترین۔ 12 مئی2018ء) جمس اسپتال میں ایمرجنسی وارڈ شروع نہ کرنے کے خلاف اے پی سی کا احتجاجی مظاہر ہ تفصیلات کے مطابق آل پارٹیز کمیٹی جیکب آبادکی جانب سے جمس اسپتال میں ایمرجنسی وارڈ شروع نہ کرنے کے خلاف صدر شعبان ابڑو، عابدسندھی کی قیادت میں احتجاجی جلوس نکالاگیا جس میں مختیار بلوچ،محمدحسن ٹالانی ،شاہد جوادی اوردیگرنے شرکت کی مظاہرین نے شہر کے راستوں پر مارچ کیا اورڈی سی چوک پر دھرنادے کربیٹھ گئے جس کے باعث روڈ بلاک اورٹریفک معطل ہوگئی رہنمائوںنے خطاب کرتے ہوئے کہاکہ جمس میں ایک سال سے زائد کاعرصہ گذرنے کے باوجود ایمرجنسی وارڈ شروع نہیں کیاگیاجس کے باعث مریضوں کو پریشانی کاسامناہے مریضوںکو ادویات بھی باہر سے خریدنے کا کہاجارہاہے کروڑوں کی بجٹ کے باوجود مریض سہولیات سے محروم ہیں انہوںنے بالاحکام سے نوٹس لے کر جمس اسپتال کو بچانے کامطالبہ کیاہے ۔

متعلقہ عنوان :