ٹورازم کارپوریشن کے زیراہتمام سیاحتی مقام کالاش تک بائیک ریلی کاانعقاد

موٹر بائیک ریلی میں 10سے زائدموٹربائیکرز مردان کے راستے سے ہوتے ہوئے چترال اور کالاش پہنچ گئے ، بائیکر کالاش میں جوشی فیسٹیول میں شرکت کرینگے

ہفتہ 12 مئی 2018 21:01

پشاور(اُردو پوائنٹ اخبارتازہ ترین - این این آئی۔ 12 مئی2018ء) ٹورازم کارپوریشن خیبرپختونخوا کے زیراہتمام چترال کے علاقہ کالاش میں منعقد ہونے والے چلم جوشٹ (جوشی) فیسٹیول سے قبل موٹربائیک اسلام آباد سے باراستہ مردان اور پھر چترال پہنچنے کے بعد کالاش پہنچ گئے ، ریلی 10سے زائد موٹربائیکرز شرکت کررہے ہیں جنہوں نے دشوار گزار راستوں پر چترال اورپھر کالاش تک کا سفر تہہ کیا ، موٹربائیک ریلی کا مقصددنیا کو پیغام دینا ہے کہ صوبہ خیبرپختونخوا پرامن شہر ہے اور یہاں سیاح باآسانی بغیر کسی خوف کے ملک میں کسی بھی جگہ سیر و تفریح کرسکتے ہیں، ٹورازم کارپوریشن کے تعاون سے بائیکرزریلی میں شریک شرکاء نے چترال سے کالاش تک کے سفر کا آغاز گزشتہ رات کیا،کالاش میں ہر سال منعقد ہونے والے چلم جوشٹ (جوشی) فیسٹیول امسال 14مئی سے شروع ہورہا ہے جوکہ 16مئی تک جاری رہے گا،اس سلسلے میں ٹورازم کارپوریشن صوبہ کے سیاحتی مقامات پر شہریوں اور سیاحوں میں شعور اجاگر کرنے کیلئے صفائی مہم کا بھی آغاز کررہا ہے اور کالاش کی تین وادیوں میں امسال صفائی مہم کی جائے گی جبکہ ساتھ ہی فیسٹیول میں آنے والے سیاحوں کیلئے فری کیمپنگ ویلیج بھی بنایا گیاہے تاکہ سیاح اس کیمپ ویلیج سے مستفید ہوسکیں، امسال ٹورازم کارپوریشن نے نوجوان موٹربائیکر پر مشتمل ایک ریلی کا بھی انعقاد کیا ہے جس کا مقصد گلیات کے علاوہ اب صوبہ کے دیگر سیاحتی مقامات کو بھی آباد کرنا ہے تاکہ سیاح اب ان مقامات کا بھی رخ کریں۔

متعلقہ عنوان :