پاکستان کی عالمی تجارتی تنظیم کے تحت قائم41ترقی پذیر اور ترقی یافتہ ممالک کے بلاک میں شمولیت خوش آئند ہے، رانا اظہر وقار

ہفتہ 12 مئی 2018 23:24

فیصل آباد۔12 مئی(اُردو پوائنٹ اخبارتازہ ترین - اے پی پی۔ 12 مئی2018ء) چیئر مین آل پاکستان پا ور لومز ایسوسی ایشن رانااظہر وقار نے پاکستان کی عالمی تجارتی تنظیم کے تحت قائم41ترقی پذیر اور ترقی یافتہ ممالک کے بلاک میں شمولیت کو خوشدآئند اور صنعتی شعبہ کے لیے خوشگوار ہوا کا جھونکا قرار دیتے ہوئے کہا ہے کہ پاکستان کے آزادانہ تجارتی بلاک میں شمولیت سے ملکی صنعتی شعبہ ترقی کرے گا۔

(جاری ہے)

اپنے ایک بیان میں انہون نے کہا کہ پاکستان کے تجارتی بلاک میں شمولیت سے ملک میں معاشی استحکام، خوشحالی و ترقی اور ان ممالک سے تجارتی سرگرمیوں میں اضافہ ہوگا۔انہوںنے کہا کہ پاکستان کی آزادانہ تجارتی بلاک میں شمولیت سے ان ممالک کے درمیان ملکی برآمدات بڑھنے سے تجارتی خسارہ میں کمی اور زرمبادلہ کے ذخائر میں اضافہ ہوگا جس سے حکومت کو بیرونی اداروں سے مزید قرضوں کے حصول سے بھی نجات مل جائے گی اور ملک میں ان ترقی یافتہ اور ترقی پذیر ممالک کی سرمایہ کاری میں بھی اضافہ ہوگا۔