پشاور،سا نحہ آفندی ہوٹل کی تحقیقات کے لیے انکوائری کمیٹی تشکیل

ہفتہ 12 مئی 2018 23:29

پشاور(اُردو پوائنٹ اخبارتازہ ترین - آن لائن۔ 12 مئی2018ء) ڈپٹی کمشنر پشاورڈاکٹر عمران حامد شیخ نے سا نحہ آفندی ہوٹل کی تحقیقات کے لیے انکوائری کمیٹی تشکیل دے دی۔انکوائری کمیٹی آفندی ہوٹل میں دھماکے کی تحقیقات کر کے اپنی رپورٹ تین دن کے اندر پیش کرے گی ۔

(جاری ہے)

اسسٹنٹ کمشنر پشاور محمد مغیث ثنا ء للہ کی سربراہی میںقائم انکوائری کمیٹی میں ایڈیشنل اسسٹنٹ کمشنر ٹائون ون اصلاح الدین سمیت سول ڈیفنس آفیسر اور پولیس کا ایک نما ئندہ بھی شامل ہے۔واضح رہے کہ گزشتہ روزجی ٹی روڈ پر گلبہار پولیس سٹیشن کے سامنے آفندی ہوٹل کی چوتھی منزل میں رات کے وقت ایک دھماکہ ہوا تھا جس میں قیمتیں جانیں ضا ئع ہو گئی تھیں۔انکوائری کمیٹی کی رپورٹ کے بعد مزید کاروئی عمل میں لائی جا ئے گی۔