میلان اور پیرس سے اسلام آباد آنے والی پرواز PK750 کو اسلام آباد میںموسم کی خرابی کے باعث لاہور اتارلیا گیا

ہفتہ 12 مئی 2018 23:44

لاہور۔12 مئی(اُردو پوائنٹ اخبارتازہ ترین - اے پی پی۔ 12 مئی2018ء) ترجمان پی آئی اے نے کہا ہے کہ پی آئی اے کی میلان اور پیرس سے اسلام آباد آنے والی پرواز PK750 کو اسلام آباد میںموسم کی خرابی کے باعث لاہور اتارلیا گیا۔ لاہور میں لینڈنگ کے وقت طیارے کے انجن سے پرندہ ٹکرا گیا جس کی وجہ سے طیارے میں تکنیکی خرابی پیدا ہو گئی اور اسلام آباد کے لئے پرواز کی روانگی میں غیر معمولی تاخیر ہوگئی ۔

طیارے کے مسافروں کو ان کی رضامندی سے بذریعہ بس اسلام آباد روانہ کیا گیا۔

(جاری ہے)

ترجمان نے بتایا کہ طیارے میں بک کرائی گئی دو میتیں ان کے لواحقین کی رضا مندی سے پی آئی اے کی جانب سے مفت ایمبولینس فراہم کرنے کے بعد ان کے آبائی علاقوں کو روانہ کر دی گئیں۔ لاہور ائر پورٹ پر مسافروں کی خصوصی دیکھ بھال کے لئے سٹیشن مینیجر اور ڈپٹی سٹیشن مینیجر اپنی ٹیم کے ہمراہ مسافروں کی اسلام آباد روانگی تک ائر پورٹ پر موجود رہے جبکہ کارگو مینیجر نے میتیوں کی روانگی کے لئے ایمبولینس کی فراہمی کو بروقت ممکن بنایا ۔

مسافرو ں کو ائر پورٹ پر ہی کھانا اور دیگر لوازمات فراہم کئے گئے۔ترجمان نے مسافروں کو طیارے سے پرندہ ٹکرا جانے کے باعث غیر متوقع طور پر پرواز کی روانگی میں تاخیر ہونے پر زحمت پر معذرت کی ہے۔