غذائی اشیا کی برآمدات میں رواں مالی سالے کے پہلے نو ماہ کے دوران 28 فیصد اضافہ ہوا، ادارہ برائے شماریات

اتوار 13 مئی 2018 12:40

اسلام آباد ۔ (اُردو پوائنٹ اخبارتازہ ترین - اے پی پی۔ 13 مئی2018ء) رواں مالی سال کے ابتدائی نومہینوں میں پاکستان سے غذائی اشیا کی برآمدات میں نمایاں اضافہ ریکارڈ کیاگیاہے۔ادارہ برائے شماریات پاکستان کے اعدادوشمارکے مطابق جولائی سے لے کرمارچ 2018ء تک پاکستان سے غذائی اشیا کی برآمدات میں 28 فیصد اضافہ ریکارڈکیاگیا۔مالی سال کے ابتدائی نومہینوں میں پاکستان نے اشیائے خوراک کی برآمدات سے 3.43ارب ڈالر کازرمبادلہ کمایا جوگزشتہ مالی سال کے اسی عرصہ کے مقابلے میں زیادہ ہے۔

(جاری ہے)

گزشتہ مالی سال کے ابتدائی نومہینوں میں پاکستان سے اشیائے خوراک کی برآمدات سے 2.68 ارب ڈالرکا زرمبادلہ حاصل کیا۔اعداد وشمارکے مطابق مالی سال کے ابتدائی نوماہ میں پاکستان نے چاول، چینی، گندم اورسبزیوں کی برآمدات سے بالترتیب 1.49ارب ڈالر، 365 ملین ڈالر، 60 ملین ڈالر اور173.2ملین ڈالرکازرمبادلہ حاصل کیا۔اسی طرف فروٹس، مچھلی، گوشت اورمصالحہ جات کی برآمدات سے پاکستان نے بالتریب 339.4 ملین ڈالر، 315.6 ملین ڈالر، 149ملین ڈالر اور59.3 ملین ڈالرکا زرمبادلہ کمایا۔