بہاریہ شجر کاری مہم ،محکمہ جنگلات نے ریکارڈ مدت میں ساڑھے نو لاکھ سے زائد پودے لگا دیئے

اتوار مئی 16:30

راولپنڈی (اُردو پوائنٹ اخبارتازہ ترین۔ 13 مئی2018ء) محکمہ جنگلات راولپنڈی سائوتھ سرکل نے بہاریہ شجر کاری مہم کے دوران ریکارڈ مدت میں ساڑھے نو لاکھ سے زائد پودے لگا کر ہدف کا 86 فیصد تین ماہ میں حاصل کر لیا ۔کنزرویٹر فاریسٹ راولپنڈی سائوتھ سرکل ثاقب محمود نے اے پی پی سے بات چیت کرتے ہوئے بتایاکہ بہاریہ شجر کاری مہم2018 ( فروری تا جون )کے ایکشن پلان کے تحت راولپنڈی سائوتھ سرکل بشمول ضلع جہلم ،چکوال او رتحصیل راولپنڈی ،ٹیکسلا و گوجر خان میں مجموعی طور پر 11,20,000پودے لگانے کا ہدف مقرر کیا گیا تھا جبکہ 965,000 پودے 30اپریل تک لگا کر مقررہ ہدف کا.16 86فی صد تقریباً تین ماہ میں حاصل کر لیا گیاہے ۔

ثاقب محمود نے تیزی سے بڑھتی ماحولیاتی آلودگی کے مسائل پر قابوپانے کے لیے شہریوں پر زور دیا کہ وہ شجر کاری مہم میں بڑھ چڑھ کر حصہ لیں اور زیادہ سے زیادہ پودے لگائیں ۔

(جاری ہے)

کنزرویٹر فاریسٹ راولپنڈی سائوتھ سرکل ثاقب محمود نے آفیشل نیوز ایجنسی سے بات چیت کرتے کہاکہ محکمہ جنگلات درختوں کی افادیت اجاگر کرنے کے سلسلہ میں کوششیں جاری رکھے ہوئے ہے تاکہ زیادہ سے زیادہ درخت لگا کر قدرتی حسن کے ساتھ ساتھ ماحولیاتی آسودگی کو بھی برقرار رکھا جا سکتا ہے ۔

انہوں نے کہاکہ ملک میں جنگلات میں اضافے کا ہدف صرف حکومت پورا نہیں کر سکتی ا س مقصد کے لیے زندگی کے ہر شعبہ سے وابستہ افراد کو اپنا کردار ادا کرنا ہو گا ۔انہوں نے کہاکہ راولپنڈی سائوتھ سرکل نے بہاریہ شجر کاری مہم کے دوران سرکاری جنگلات ،دیگر سرکاری و دفاعی ادارہ جات اور نجی زمینوں پر پودے لگانے کاکام کیاجو کہ جون تک جاری رہے گا ۔انہوںنے کہاکہ سائوتھ سرکل میں مقررہ ہدف سے زائد پودے لگائے جائیں گے اور ا س مقصد کے لیے تمام متعلقہ ڈی ایف اوز اور دیگر افسران کو پہلے ہی ہدایات جاری کی جا چکی ہیں ۔

متعلقہ عنوان :