وزیر اعظم فاروق حیدر نے مقبوضہ کشمیر میں مظالم کیخلاف بھرپور احتجاج کر کے بھاتی جمہوریت کا پردہ چاک کر دیا ہے

مسلم لیگ ن برطانیہ کے صدر راجہ زبیر اقبال کیانی کی بات چیت

اتوار مئی 18:20

لوٹن (اُردو پوائنٹ اخبارتازہ ترین۔ 13 مئی2018ء) مسلم لیگ ن برطانیہ کے صدر راجہ زبیر اقبال کیانی نے کہاہے کہ وزیر اعظم آزاد کشمیر راجہ فاروق حیدر خان نے مقبوضہ کشمیر میں جاری مظالم کے خلاف بھرپور احتجاج کر کے بھاتی جمہوریت کا پردہ چاک کر دیا‘تحریک آزادی کے بیس کیمپ کی حکومت اور عوام مقبوضہ کشمیر سے بھارت کے غیر قانونی تسلط کے خاتمہ کیلئے اپنا بھر پور کردار ادا کرتے رہیں گے اور کشمیریوں کے حق خودارادیت کیے حصول تک چین سے نہیں بیٹھیں گے بھارت پاکستان کی سرحدی خلاف ورزی اور گولہ باری سے پاک فوج اور کشمیریوں کے حوصلے پست نہیں کرسکتا ۔

بھارت کی طرف سے کنٹرول لائن پر بلا اشتعال فائرنگ بین الاقوامی چارٹر کی خلاف ورزی اور ہیومن کرائم ہے ۔ اقوام متحدہ ابزرور مشن کنٹرول لائن پر آباد شہری آبادیوںاور چیک پوسٹ پر فائرنگ سے بھارت کو باز رکھے اور شہری آبادیوں کو گولہ باری سے محفوظ بنانے کے اقدامات کرے ۔

(جاری ہے)

بھارتی فوج کی دہشت گردی سے کنٹرول لائن پر آباد شہری آبادیوں کے حوصلے پست نہیں ہوسکتے کنٹرول لائن پر آباد شہریوں کے حوصلے بلند ہیں ۔

وہ بھارتی حکمرانوں کی طرف سے خوف و ہراس پھیلانے کے تمام ہتھکنڈوں سے خوفزدہ نہیں ہو تے ۔ان خیالات کا اظہارانہوںنے صحافیوں سے بات چیت کرتے ہوئے کیا۔انھوںنے کہا کہ آزاد خط کی حکومت اور عوام مقبوضہ کشمیر کے بھائیوں کے شانہ بشانہ کھڑے ہیں اور تحریک آزادی کے کسی بھی لمحے اپنی تنہائی کا احساس نہیں ہونے دیں گے ۔ حق خود ارادیت کشمیریوں کی منزل ہے منزل کے حصول تک کشمیریوں کی جد وجہد کو سرد نہیں کیا جا سکتا ۔انہوں نے کہا کہ ہمیںاقوام متحدہ کے رویے سے مایوسی ہوئی ہے کہ اس ادارے نے کشمیریوں کی آزادی کے لیے ابھی تک کوئی ٹھوس لائحہ عمل نہیں اپنایا۔انہوںنے کہاکہ کسی قوم کے مستقبل اور آزادی کی جدوجہد کو سازشوں اور بیرونی قوتوں کے بل بوتے پر روکا نہیں جا سکتا ۔