آرمی چیف کا وادی نیلم میں پل ٹوٹنے کے واقعہ پر اظہار افسوس

پاک فوج کو سول انتظامیہ کی ہرممکن مدد کی ہدایت ، پاک فوج کا متاثرہ علاقوں میں آپریشن جاری ، ڈاکٹروں اور جوانوں پر مشتمل ٹیمیں امدادی کاموں میں مصروف ہیں ،آئی ایس پی آر

اتوار 13 مئی 2018 18:20

راولپنڈی (اُردو پوائنٹ اخبارتازہ ترین - آئی این پی۔ 13 مئی2018ء) آرمی چیف جنرل قمر جاوید باجوہ نے وادی نیلم میں پل ٹوٹنے کے واقعہ پر افسوس کا اظہار کرتے ہوئے پاک فوج کو سول انتظامیہ کی ہرممکن مدد کی ہدایت کی ہے، پاک فوج کا متاثرہ علاقوں میں آپریشن جاری ہے، ڈاکٹروں اور جوانوں پر مشتمل ٹیمیں امدادی کاموں میں مصروف ہیں۔

(جاری ہے)

اتوار کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے وادی نیلم میں پل ٹوٹنے کے واقعے پر افسوس کا اظہار کیا ہے، اور پاک فوج کو سول انتظامیہ کی ہرممکن مدد کی ہدایت کی ہے۔

پاک فوج کا متاثرہ علاقوں میں امدادی آپریشن جاری ہے، ڈاکٹروں اور جوانوں پر مشتمل ٹیمیں امدادی کاموں میں مصروف ہیں ، حادثے میں اب تک 4افراد جاں بحق جبکہ 11زخمی ہوگئے ہیں، زخمیون کو پاک فوج کے ہیلی کاپٹرز کے ذریعے مظفرآباد اسپتال منتقل کردیا گیا ہے، آرمی چیف نے امدادی ٹیمیں بھجوانے کا حکم دیا تھا۔