پشاور، سید ولی شاہ آفریدی کا باڑہ کے مختلف علاقوں میںبجلی ٹرانسفارمروںکی چوری کے وارداتوں پر تشویش کا اظہار

اتوار 13 مئی 2018 18:50

پشاور(اُردو پوائنٹ اخبارتازہ ترین - آن لائن۔ 13 مئی2018ء) پاکستان مسلم لیگ (ن) فاٹا کے سینئر رہنما سید ولی شاہ آفریدی نے باڑہ کے مختلف علاقوں میںبجلی ٹرانسفارمروںکی چوری کے وارداتوں پر سخت تشویش کا اظہار کرتے ہوئے کہاہے کہ باڑہ کے متاثرین جو اپنے گھروں کو واپس جاچکے ہیں چندہ اکھٹا کر کے ٹرانسفارمر لگائے ہیں لیکن گزشتہ کئی ماہ سے ٹرانسفارمر چوری ہو رہے ہیں اور پولیٹیکل انتظامیہ خاموش تماشائی کو کردار ادا کررہی ہیں ۔

(جاری ہے)

انھوں نے کہا کہ کئی ماہ گزرنے کے باوجود انتظامیہ نے چوروں کو گرفتار نہیں کیا گیا جس کی ہم مذمت کرتے ہیں ۔انھوں نے کہا کہ متاثرین کو پولیٹیکل انتظامیہ ریلیف فراہم نہیں کر سکتی تو کم سے کم ٹرانفسارمر چوروں کو گرفتار کریں۔انھوں نے کہا علاقہ میں امن و امان کاقیام اور لوگوں کو تحفظ فراہم کرنا انتظامیہ کی اولین فرائض میں شامل ہے ۔