فیصل آباد،رمضان المبارک کی مناسبت سے سکیورٹی اقدامات کرنے کی ہدایت

اتوار 13 مئی 2018 19:20

فیصل آباد۔13 مئی(اُردو پوائنٹ اخبارتازہ ترین - اے پی پی۔ 13 مئی2018ء) ریجنل پولیس آفیسر فیصل آباد کی ریجن کے تمام ضلعوں میں رمضان المبارک کی مناسبت سے سکیورٹی اقدامات کرنے کی ہدایت ،نماز اور دیگر عبادات کے دوران مقامات پر سکیورٹی فراہم کی جائے ۔

(جاری ہے)

تفصیلات کیمطابق آئی جی پنجاب کے احکامات کی روشنی میں محمد بلال صدیق کمیانہ ریجنل پولیس آفیسر فیصل آباد نے سی پی او فیصل آباد ،ڈی پی اوزجھنگ ، ٹوبہ ٹیک سنگھ اور چنیوٹ کو ہدایات جاری کرتے ہوئے کہا کہ وہ رمضان المبارک کے مقدس مہینہ کی آمد سے قبل اپنے اپنے ضلع کے مخصوص حالات کو مد نظر رکھتے ہوئے جامع سکیورٹی پلان مرتب کریں۔

بین المذاہب ہم آہنگی او ر نقص امن سے بچائو کیلئے مذہبی اکابرین، امن کمیٹیوں کے ممبران اور مقامی معززین کو مثبت کردار ادا کرنے کیلئے آمادہ کیا جائے۔ ٹریفک کی روانی اور حادثات سے بچائو کیلئے ٹریفک پلان جاری کیا جائے۔ مخصوص چوراہوں میں وارڈنز کی موجودگی کو یقینی بنایا جائے۔