چیف جسٹس ثاقب نثار روس روانہ ،ْ

جسٹس آصف سعید نے بطور قائم مقام چیف جسٹس حلف اٹھا لیا

پیر 14 مئی 2018 13:09

اسلام آباد (اُردو پوائنٹ اخبارتازہ ترین - این این آئی۔ 14 مئی2018ء) جسٹس آصف سعید کھوسہ نے بطور قائم مقام چیف جسٹس عہدے کا حلف اٹھا لیا ،ْ جسٹس گلزار احمد نے جسٹس آصف سعید کھوسہ سے حلف لیا، حلف برداری کی تقریب سپریم کورٹ بلڈنگ میں ہوئی۔

(جاری ہے)

جسٹس آصف سعید کھوسہ چیف جسٹس ثاقب نثار کی وطن واپسی تک قائم مقام چیف جسٹس ہوں گے، تقریب حلف برداری میں سپریم کورٹ کے ججز نے شرکت کی۔ایڈووکیٹ جنرلز، پاکستان بار کونسل اور سپریم کورٹ بار کے ممبران بھی شریک ہوئے حلف برداری کی تقریب میں وکلاء کے علاوہ رجسٹرار سپریم کورٹ بھی شریک ہوئے۔واضح رہے کہ چیف جسٹس پاکستان میاں ثاقب نثار 14دنوں کیلئے روس چلے گئے ۔