وزیراعظم کی زیر صدارت قومی سلامتی کمیٹی کا اجلاس‘ اعلیٰ سول و عسکری قیادت کی شرکت

پیر 14 مئی 2018 15:20

اسلام آباد(اُردو پوائنٹ اخبارتازہ ترین - آئی این پی۔ 14 مئی2018ء) وزیراعظم شاہد خاقان عباسی کی زیرصدارت نوازشریف کے ممبئی حملوں سے متعلق متنازع بیان سے پیدا صورت حال پر غور کرنے کے لیے قومی سلامتی کمیٹی کا اجلاس ہوا جس میں اعلیٰ سول و فوجی قیادت کی شرکت کی ۔ تفصیلات کے مطابق پیر کو قومی سلامتی کمیٹی کا اجلاس عسکری قیادت کی تجویز پر بلایا گیا۔

(جاری ہے)

اجلاس میں چیئرمین جوائنٹ چیف آف سٹاف کمیٹی جنرل زبیر محمود حیات، آرمی چیف جنرل قمر جاوید باجوہ، ایئر چیف مجاہد انور خان، نیول چیف ایڈمرل ظفر محمود عباسی اجلاس میں شریک ہوئے۔ اس کے علاوہ اجلاس میں وفاقی وزرا، مشیر قومی سلامتی ناصر جنجوعہ، آئی ایس آئی، آئی بی کے سربراہان بھی شریک ہوئے۔ اجلاس میں نواز شریف کے ممبئی حملوں سے متعلق بیان پر غور کیا گیا۔