تحریک آزادی کشمیر کی کامیابی کے ساتھ آزاد کشمیر کی مثالی اور بلا تخصیص تعمیر وترقی ہماری حکومت کی اولین ترجیح ہے ،ْجاوید اختر چوہدری

پیر 14 مئی 2018 15:20

مظفرآباد(اُردو پوائنٹ اخبارتازہ ترین - این این آئی۔ 14 مئی2018ء) عوامی وفود سے ملاقات کے دوران آزاد کشمیر حکومت کے وزیر قانون انصاف و پارلیمانی امور حاجی جاوید اختر چوہدری نے کہا ہے کہ تحریک آزادی کشمیر کی کامیابی کے ساتھ ساتھ آزاد کشمیر کی مثالی اور بلا تخصیص تعمیر وترقی ہماری حکومت کی اولین ترجیح ہے اور موجودہ حکومت کی بہتر پالیسیوں اور گڈ گورننس کا نتیجہ ہے کہ رواں مالی سال کے دوران ترقیاتی فنڈز کا بروقت اور درست تصرف یقینی بنایا گیا ہے جسکے نتیجہ میں وفاقی حکومت نے آزاد کشمیر کے ترقیاتی بجٹ میں کئی گنا اضافہ کر دیا ہے اور آزاد کشمیرکی ترقیاتی ورکنگ پارٹی اور کابینہ کی ترقیاتی ورکنگ پارٹی کے منصوبوں کی مد میں دگنا اضافہ کر دیا گیا ہے ۔

(جاری ہے)

وزیر قانون آزاد کشمیر نے مزید کہا ہے کہ عالمی برادری کو بھارت میں ماورائے عدالت قتل اور جنگی جرائم کا نوٹس لینا چاہیے اور مودی سرکار کے توسیع پسندانہ عزائم کو روکنا چاہے ۔