کاشتکار کپاس کی بہترپیداوار کیلئے پودوں کا درمیانی فاصلہ برقرار رکھیں، محکمہ زراعت

پیر 14 مئی 2018 15:40

لاہور۔14 مئی(اُردو پوائنٹ اخبارتازہ ترین - اے پی پی۔ 14 مئی2018ء) کپاس کی اچھی پیداوار حاصل کرنے کیلئے قطاروں میں پودوں کا درمیانی فاصلہ برقرار رکھنا ضروری ہے تاکہ پودے جگہ کی مناسبت سے بڑھوتری کریں، محکمہ زراعت کے ترجمان کے مطابق کاشتکار30اپریل تک کاشت کی صورت میں پودے سے پودے کا فاصلہ 12 سے 15 انچ، کھیلیوں سے کھیلیوں کا فاصلہ 2 فٹ 6 انچ اور فی ایکڑ پودوں کی تعداد 14000 سے 17500 رکھیں۔

کاشت کے بعد بیج عموماً 4 سے 5 دن میں اُگ آتے ہیں۔

(جاری ہے)

اس کے بعد کھیت میں جہاں کہیں بھی ناغے نظر آئیں وہاں سے خشک مٹی ہٹا کر خالی جگہ گوڈ کر مناسب فاصلہ پر 5 سے 6 گھنٹے پانی میں بھگوئے ہوئے 4 سے 5 بیج ڈال کر نمدار مٹی سے ڈھانپ دیں۔ اس طرح ناغے پر ہوجائیں گے۔ کاشت کے دوران نالی بندہوجانے سے اگر بیج زیادہ لمبے فاصلہ پر نہ اگا ہو تو اسی وتر میں دوبارہ بوائی کیلئے ایک نالی والی ڈرل بھی استعمال کی جاسکتی ہے۔ ناغے پر کرنے میں جلدی کریں کیونکہ وتر کم ہوجانے پر بیج نہیں اگتے۔ بہتر ہے کہ پلاسٹک کی تھیلیوں میں بیج کاشت کرلیے جائیں تاکہ کھیتوں میں جہاں کہیں ناغے ہوں وہاں پر یہ پودے منتقل کیے جاسکیں۔

Facebook Twitter Google + Share on Whatsapp

کاشتکار کپاس کی بہترپیداوار کیلئے پودوں کا درمیانی فاصلہ برقرار رکھیں، محکمہ زراعت

متعلقہ عنوان :

مزید قومی خبریں