کردار ہی فنکار کی شناخت ہوتا ہے، اداکارہ و ماڈل عشاء نور

پیر 14 مئی 2018 17:32

اسلام آباد (اُردو پوائنٹ اخبارتازہ ترین - آئی این پی۔ 14 مئی2018ء) معروف اداکارہ و ماڈل عشاء نور نے کہا ہے کہ کردار ہی ایک فنکار کی شناخت ہوتا ہے،ایک کردار ہٹ ہوجائے تو مستقبل میں اسی طرح کے کردار آفرز ہونے لگتے ہیں۔

(جاری ہے)

گزشتہ روز خصوصی گفتگو کرتے ہوئے عشاء نور نے کہا کہ میں مختصر عرصے میں بطور اداکارہ الگ شناخت بنانے میں کامیاب ہو گئی ہوں جس کی بڑی اور اہم وجہ یہ ہے کہ میں شوبز کی دنیا میں ہر نئی آنے والی اداکارہ کی طرح ہر دوسرے ڈرامہ سیریلز میں کام نہیں کرتی ہوں بلکہ میں ہمیشہ اچھے کردار کی تلاش میں رہتی ہوں اور اپنی مرضی کا کردار ملنے پر ہی کسی ڈرامہ سیریل میں کام کرنے کی حامی بھرتی ہوں یہی وجہ ہے کہ میں نے بہت ہی قلیل عرصہ میں اپنی ایک علیحدہ پہچان بنا لی ہے اور کامیابی سے اپنا سفر آگے طے کر رہی ہوں ۔

انہوں نے کہا کہ ہمارے ہاں جب کوئی فنکار کسی ایک کردار میں ہٹ ہو جاتا ہے تو آئندہ اس فنکار کو اسی طرح کے کردار کی آفرز ہونے لگتی ہیں ،میں ہر پراجیکٹ کو سوچ سمجھ کر کرتی ہوں کیونکہ ایک کردار ہی کسی فنکارکی صحیح الفاظ میں عکاسی کرتا ہے۔