نواز شریف کے خلاف اندراج مقدمہ کی درخواست پر فیصلہ محفوظ

منگل 15 مئی 2018 13:20

اسلام آباد (اُردو پوائنٹ اخبارتازہ ترین - این این آئی۔ 15 مئی2018ء) سابق وزیراعظم نواز شریف کے خلاف اندراج مقدمہ سے متعلق اسلام آباد ہائیکورٹ نے درخواست سے قابل سماعت ہونے یا نہ ہونے سے متعلق فیصلہ محفوظ کرلیا۔ منگل کو اسلام آباد ہائیکورٹ نے جسٹس عامر فاروق نے سابق وزیراعظم نواز شریف کے خلاف مقدمہ دائر کرنے کی درخواست پر سماعت کی۔

(جاری ہے)

اس موقع پر وکیل بابر اعوان نے دلائل دیتے ہوئے کہا کہ نواز شریف نے 3 مئی کو اسلام آباد کی احتساب عدالت کے باہر قومی راز افشا کرنے کی دھمکی دی۔

وکیل نے کہا کہ نواز شریف کے 12 مئی کے بیان کو بھارت نے پاکستان کے دہشت گردی میں ملوث ہونے کے اعتراف کے طور پر لیا۔ وکیل بابر اعوان نے استدعا کی کہ ڈی جی ایف آئی اے کو نواز شریف کے خلاف کارروائی اور مقدمہ درج کرنے کا حکم دیا جائے۔عدالت نے دلائل سننے کے بعد نواز شریف کے خلاف دائر درخواست قابل سماعت ہونے یا نہ ہونے سے متعلق فیصلہ محفوظ کرلیا۔

Facebook Twitter Google + Share on Whatsapp

نواز شریف کے خلاف اندراج مقدمہ کی درخواست پر فیصلہ محفوظ

متعلقہ عنوان :

مزید قومی خبریں