ملک میں لوٹ مار کرنیوالوں ،انکا ساتھ دینے والوں کی سیاست ختم ہو چکی ‘ڈاکٹر شاہد صدیق

منگل 15 مئی 2018 14:00

لاہور (اُردو پوائنٹ اخبارتازہ ترین - این این آئی۔ 15 مئی2018ء) تحریک انصاف کے مرکزی رہنماڈاکٹر شاہد صد یق خان نے کہا ہے کہ ملکی ساخت کو نقصان پہنچانے والے عوام اور ملک سے مخلص نہیں ہوسکتے ،عوام آئندہ عام انتخابات میں موددی کی زبان بولنے والوں کو نشان عبرت بنا دینگے۔

(جاری ہے)

ان خیا لا ت کا اظہار انہو ں نے پی پی 167میں پار ٹی کارنر میٹنگ سے خطاب کرتے ہوئے کیا ۔ انہوں نے کہا کہ نواز شریف احتساب سے رائے فرار حاصل کر نے کی ناکام کوشش کر رہے ہیں انہیں معلوم ہونا چاہیے قوم کی لوٹی ہوئی دولت کے روپے روپے کا حساب دینے تک ان کی جان نہیں چھوٹے گی ۔لوٹ مار کرنے والوں اور انکا ساتھ دینے والوں کی سیاست ختم ہو چکی ہے۔