الیکشن کمیشن نے پشاور اور کوئٹہ میں عام انتخابات کیلئے ڈسٹرکٹ ریٹرننگ،ریٹرننگ افسروں کی تربیت کا آغاز کر دیا

چیف الیکشن کمشنر (آج) لاہور میں ضلعی ریٹرننگ افسران اور ریٹرننگ افسران کے تربیتی پروگرام کا افتتاح کریں گے خیبرپختونخوا اورفاٹا کے تمام تینتیس ڈسٹرکٹ ریٹرننگ افسران نے غیرجانبدارانہ اورشفاف انداز میں انتخابات کے انعقاد کرانے کا حلف اٹھایا

منگل مئی 14:10

پشاور /کوئٹہ (اُردو پوائنٹ اخبارتازہ ترین۔ 15 مئی2018ء) الیکشن کمیشن آف پاکستان نے پشاور اور کوئٹہ میں آئندہ عام انتخابات کیلئے ڈسٹرکٹ ریٹرننگ افسران اور ریٹرننگ افسران کی باضابطہ تربیت شروع کردی ،ْچیف الیکشن کمشنر سردار محمد رضا (آج) لاہور میں پنجاب کے ضلعی ریٹرننگ افسران اور ریٹرننگ افسران کے تربیتی پروگرام کا افتتاح کریں گے۔ میڈیا رپورٹ کے مطابق الیکشن کمیشن نے پشاور اور کوئٹہ میں آئندہ عام انتخابات کیلئے ڈسٹرکٹ ریٹرننگ افسران اور ریٹرننگ افسران کی باضابطہ تربیت شروع کردی ہے ،ْ پشاور میں تربیت کی افتتاحی تقریب سے خطاب کرتے ہوئے الیکشن کمیشن کے رکن جسٹس ریٹائرڈ ارشاد قیصر نے کہا کہ ہم ملک میں آزادانہ اور منصفانہ انتخابات کے انعقاد کیلئے پرعزم ہیں۔

انہوں نے کہا کہ اس مقصد کے لئے تمام ضروری انتظامات مکمل کرلئے گئے ہیں۔

(جاری ہے)

انہوں نے کہا کہ انتخابات میں شفافیت لانے کے لئے انتخابی ایکٹ 2017 میں اصلاحات متعارف کرائی گئی ہیں۔صوبائی الیکشن کمشنر پیر مقبول احمد نے بھی اس موقع پر خطاب کیا۔اس سے پہلے خیبرپختونخوا اورفاٹا کے تمام تینتیس ڈسٹرکٹ ریٹرننگ افسران نے غیرجانبدارانہ اورشفاف انداز میں انتخابات کے انعقاد کرانے کا حلف اٹھایا۔ کوئٹہ میں بھی ڈسٹرکٹ ریٹرننگ افسران اور ریٹرننگ افسران کی تربیت شروع ہوگئی ہے۔ چیف الیکشن کمشنر سردار محمد رضا (آج)بدھ کے روز لاہور میں پنجاب کے ضلعی ریٹرننگ افسران اور ریٹرننگ افسران کے تربیتی پروگرام کا افتتاح کریں گے۔