راگا بوائز کا لندن میں بھی تہلکہ

منگل 15 مئی 2018 15:30

مانچسٹر (اُردو پوائنٹ اخبارتازہ ترین - آئی این پی۔ 15 مئی2018ء) گلوکار ولی حامد خان اور انکے بھائیوں نے مانچسٹر کے بعد لندن میں بھی اپنی گائیکی سے تہلکہ مچا دیا۔ سیکڑوں لوگوں کو ٹکٹ نہ ملنے کی وجہ سے مایوس واپس لوٹنا پڑا۔ولی حامد خان اور انکے بھائیوں پر مشتمل راگا بوائز بینڈ نے مانچسٹر میں کامیاب شو کرنے کے بعد لندن میں بھی فن کا مظاہرہ کیا۔

(جاری ہے)

ہال میں موجود شرکاء انکی گائیکی سے لطف اندوز ہوتے رہے۔ اس حوالے سے ولی حامد خان نے خصوصی گفتگو کرتے ہوئے کہا کہ ہمارے مانچسٹر اور لندن میں ہونے والے دونوں شوز کو جس طرح پذیرائی ملی وہ ہمارے تصور میں بھی نہیں تھی۔ انہوں نے کہا کہ لندن میں موجود پاکستانی کمیونٹی کے ساتھ گورے بھی موسیقی کو اچھی طرح سے سمجھتے ہیں۔ ہمارے شوزمیں مقامی باشندوں کی بڑی تعداد نے شرکت کی۔

Facebook Twitter Google + Share on Whatsapp

راگا بوائز کا لندن میں بھی تہلکہ

متعلقہ عنوان :

مزید فن و فنکار کی خبریں