وزیر ریلویز سعد رفیق کا ریلوے مسافروں کے لئے رمضان پیکیج کا اعلان

مسافروں کو سہولت تمام ٹرینوں کی تمام کلاسز کی ایڈوانس بکنگ پر کرایوں میں بیس فیصد رعائیت دی جائے گی

منگل 15 مئی 2018 22:04

وزیر ریلویز سعد رفیق کا ریلوے مسافروں کے لئے رمضان پیکیج کا اعلان

لاہور (اُردو پوائنٹ اخبارتازہ ترین - آن لائن۔ 15 مئی2018ء) وزیر ریلویز خواجہ سعد رفیق نے ریلوے مسافروں کے لئے رمضان پیکیج کا اعلان کر دیاہے۔ اس پیکیج کے تحت مسافروں کو یہ سہولت تمام ٹرینوں کی تمام کلاسز کی ایڈوانس بکنگ پر کرایوں میں بیس فیصد رعائیت دی جائے گی۔انہوں نے کہا کہ ریلوے رمضان المبارک کے بعد عید کے دنوں میں بھی مسافروں کو خصوصی رعائیت دے ۔

(جاری ہے)

چیف ایگزیکٹوآفیسر پاکستان ریلویز عبد الحمید رازی نے کہا کہ پاکستان ریلوے کو اعزاز حاصل ہے کہ جب ٹرانسپورٹرز کرائے بڑھاتے ہیں توپاکستان ریلوے کرائے کم کر دیتا ہے۔انہوں نے مزید کہاکہ پاکستان ریلوے پانچ برسوں میں دو درجن سے زائد موقعوں پر کرایوں میں رعائیت کا اعلان کر چکاہے۔ ترجمان ریلویز نے کہا ہے کہ وزیر ریلویز کے اعلان کردہ خصوصی پیکیج کا اطلاق یکم رمضان المبارک سے بیس رمضان تک ہوگا۔