بیرسٹرسلطان محمود نے نواز شریف کے ملکی مفاد اوربھارت کی حمایت میں دئیے گئے لغو بیان پرپورے آزاد کشمیر میں احتجاجی مظاہروں کی کال دیکر تمام پاکستانی ،

کشمیری جماعتوں پر سبقت حاصل کر لی ہے پی ٹی آئی کے رہنماء بشارت کھوکھر کی میڈیا سے بات چیت

منگل 15 مئی 2018 22:54

مظفرآباد(اُردو پوائنٹ اخبارتازہ ترین - آئی این پی۔ 15 مئی2018ء) بیرسٹرسلطان محمود چوہدری قائد کشمیر نے سابق وزیراعظم پاکستان میاں محمدنواز شریف کے ملکی مفاد اوربھارت کی حمایت میں دئیے گئے لغو بیان پرپورے آزاد کشمیر میں احتجاجی مظاہروں کی کال دیکر تمام پاکستانی ، کشمیری جماعتوں پر سبقت حاصل کر لی ہے ،ان خیالات کا اظہار پی ٹی آئی کے رہنماء بشارت کھوکھر نے میڈیا سے بات چیت کرتے ہوئے کیا ،انہوں نے کہا افواج پاکستان کے خلاف ہر سازش کو بے نقاب کرتے ہوئے قائد کشمیر بیرسٹر سلطان محمود چوہدری کے ساتھ ہر اول دستے کا کردار ادا کرتے رہیں گے ،پی ٹی آئی پاکستان کے عام انتخابات میں کلین سویپ کریگی ، اور عمران خان پاکستان اور بیرسٹر سلطان محمود چوہدری کی قیادت میں آزاد کشمیر میں حکومتیں قائم ہونگی، محافظ حقوق خواجہ فاروق احمد کی شبانہ روز محنت اپنی مثال ہے آج مظفرآباد شہر کے عوام بے تاب ہیں کہ ایک بار پھر ووٹ کا قرض چکا کر خواجہ فاروق احمد کو حق نمائندگی کیلئے اسمبلی میں پہنچائیں۔