سیکیورٹی فورسز کا بلوچستان اور ڈی جی خان میں آپریشن، 3مشتبہ دہشت گرد گرفتار ،بھاری مقدار میں اسلحہ و بارودی مواد برآمد

منگل 15 مئی 2018 23:23

راولپنڈی (اُردو پوائنٹ اخبارتازہ ترین - آئی این پی۔ 15 مئی2018ء) سیکیورٹی فورسز نے بلوچستان اور ڈی جی خان میں خفیہ اطلاع پر آپریشن کرتے ہوئے 3مشتبہ دہشت گردوں کو گرفتار کرلیا اور بھاری مقدار میں اسلحہ و بارودی مواد برآمد کرلیا۔

(جاری ہے)

منگل کو پاک فوج کے شعبہ تعلقات عامہ (آئی ایس پی آر)کے مطابق ملک بھر میں آپریشن رد الفساد کامیابی سے جاری ہے، سیکیورٹی فورسز نے بلوچستان کے علاقوں جن ٹوبہ نوخانی، ڈیرہ مراد جمالی، سنج سلہ اور چبدار میں خفیہ اطلاع پر آپریشن کرتے ہوئے دہشت گردوں کے ٹھکانوں سے بھاری مقدار میں اسلحہ اور بارودی مواد برآمد کرلئے، پنجاب رینجرز نے ڈیرہ غازی خان میں انٹیلی جنس کی بنیاد پر آپریشن کرتے ہوئے تین مشتبہ دہشت گردوں کو گرفتار کرلیا اور بھاری مقدار میں اسلحہ و بارودی مواد برآمد کرلیا۔