بھارت،کرناٹک انتخابات، بی جے پی کو واضح برتری حاصل

بی جے پی106،کانگریس70،جے ڈی ایس کو41 نشستوں پر برتری حاصل

منگل مئی 23:39

نئی دہلی(اُردو پوائنٹ اخبارتازہ ترین۔ 15 مئی2018ء) بھارتی ریاست کرناٹک کے انتخابات میں بی جے پی کو واضح برتری حاصل ہے،بی جے پی106،کانگریس70،جے ڈی ایس کو41 نشستوں پر برتری حاصل ہے، مغربی بنگال کی وزیر اعلیٰ ممتا بنرجی نے کرناٹک اسمبلی انتخابات میں کامیا ب ہونیوالے امیدواروں کو مبارکباد دی۔۔بھارتی میڈیا کے مطابق کرناٹک اسمبلی کی 224نشستوں میں سے 222سیٹوں کیلئے ہونیوالے انتخابات کے نتائج آنے شروع ہوگئے ہیں۔

تازہ ترین نتائج کے اعلان کے مطابق بی جے پی 106نشستوں پر ا?گے جبکہ کانگریس 70نشستوںاورجے ڈی ایس کو 41نشستوںپر سبقت حاصل ہے۔کرناٹک کے ضلع میسور کے قدیم علاقے میں 61نشستوں پر کانگریس اور جے ڈی ایس کا مقابلہ ہے وہاں بی جے پی کمزور پڑگئی۔یہاں بوکا لنگا برادری کے لوگوں کا دبدبہ ہے۔

(جاری ہے)

بی جے پی کے رہنما اور وزیر اعلیٰ کے عہدے کیلئے نامزد امیدوار یادورپا نے دعویٰ کیا کہ کرناٹک میں بی جے پی 125سے زیادہ نشستیں حاصل کرکے اپنے بل پر تنہا حکومت قائم کریگی۔

اس مرتبہ پارٹی کو3سے 4فیصد زیادہ ووٹ حاصل ہوئے۔ ذہنی بیمار ثابت کرنے والے سدا رمیا خود شکست کے خوف سے ذہنی پریشانی میں مبتلا ہوگئے ہیں۔مغربی بنگال کی وزیر اعلیٰ ممتا بنرجی نے کرناٹک اسمبلی انتخابات میں کامیا ب ہونیوالے امیدواروں کو مبارکباد دی۔انہوں نے کہا کہ کانگریس اگر جے ڈی ایس کے ساتھ مشترکہ انتخابات لڑتی تو نتیجہ مختلف ہوتا۔