ایل او سی کے دونوں اطراف بھارتی جارحیت اور جنگی جنون
علاقائی امن کیلئے خطر ناک ہے ، برجیس طاہر یہ کسی بڑے سانحے کا پیش خیمہ بن سکتا ،بھارت کی کشمیریوں کی نسل کشی کے ذریعے مقبوضہ کشمیر کی ڈیمو گرافی تبدیل کرنے کی کارروائی کامیاب نہیں ہو گی ، مقبوضہ کشمیر میں بھارت ظلم و تشدد کے تمام حربے آزما رہا ہے،کشمیریوں کی حق خودارادیت کو کچلنے کے لئے جس درندگی کا مظاہرہ کر رہا ہے اُس کی کوئی مثال نہیں ملتی وفاقی وزیر امور کشمیر و گلگت بلتستان کی آزاد جموں و کشمیر کے سینئر وزیر سے ملاقات میں گفتگو
منگل 15 مئی 2018 23:41
(جاری ہے)
وفاقی وزیر نے بھارت کی جانب سے مقبوضہ کشمیر میں جعلی پولیس مقابلوں میں نہتے کشمیری نوجوانوں کو شہید کرنے کے بڑھتے ہوئے واقعات کی شدید الفاط میں مذمت کرتے ہوئے کہا ہے کہ بھارت کشمیریوں کی نسل کشی کے ذریعے مقبوضہ کشمیر کی ڈیمو گرافی تبدیل کرنے کے لئے جو منظم کارروائی کر رہا ہے اُس میں اُسے ناکامی کا سامنا کرنا پڑے گا۔
انہوں نے کہا کہ مقبوضہ کشمیر میں بھارت ظلم و تشدد کے تمام حربے آزما رہا ہے اور کشمیریوں کی حق خودارادیت کو کچلنے کے لئے جس درندگی کا مظاہرہ کر رہا ہے اُس کی کوئی مثال نہیں ملتی۔انہوں نے کہا کہ ایل او سی کے دونوں اطراف بھارت کی جارحیت اور جنگی جنون علاقائی امن کے لئے انتہائی خطر ناک ہے جو کسی بڑے سانحے کا پیش خیمہ بن سکتا ہے۔ملاقات میں آزاد کشمیر کے سینئر وزیر نے پاکستان کی حکومت اور عوام کی جانب سے کشمیریوں کے ساتھ بھر پور یکجہتی پر شکریہ ادا کیا اور کہا کہ ایل او سی کے دونوں اطراف کشمیری بھارت کے ظلم و تشدد اور جارحیت کا بڑے حوصلے اور عزم سے مقابلہ کر رہے ہیں۔انہوں نے کہا کہ بھارت کو یہ سمجھ لینا چاہیے کہ وہ اپنے تمام حربوں کے باوجود نہ تو پچھلے ستر سال میں کشمیریوں کو حق خودارادیت کے پیدائشی حق سے دستبردار کروا سکا ہے اور نہ ہی آئندہ آنے والے وقت میں وہ اس حق کے حصول میں کشمیریوں کے اس عزم میں کمی لا سکے گا ۔آزادکشمیر میں جاری ترقیاتی منصوبوں سے متعلق بات چیت کرتے ہوئے وفاقی وزیر نے کہا کہ نوازشریف کی قیادت میں مسلم لیگ(ن) کی حکومت نے آزادکشمیر کے وسائل میں بے پناہ اضافہ کیا ہے۔انہوںنے کہاکہ نہ صرف آزادکشمیر کا ترقیاتی بجٹ اس عرصے میں دوگنا کیا گیا بلکہ اس سال کے بجٹ میں بھی آزادکشمیر کے لیے ترقیاتی فنڈز میں مزید اضافہ کیا گیا ہے اور پی ایس ڈی پی کے منصوبوں کے تحت بھی آزادکشمیر میں اربوں روپے کے وسائل خرچ کیے جارہے ہیں۔ انہوں نے کہاکہ نوازشریف کی کوششوں سے آزادکشمیر کو وسائل کی فراہمی سے آزادکشمیر میں ترقی وخوشحالی کے ایک نئے دور کا آغاز ہو چکا ہے اور ان وسائل کے بہترین استعمال سے آزادکشمیر کو پاکستان کا خوشحال ترین خطہ بنایا جاسکتا ہے۔ اس موقع پر چوہدری طارق فاروق نے محمدنوازشریف کی آزادکشمیر سے خلوص پر اُن کا شکریہ ادا کیا اور کہاکہ آزادکشمیر کے عوام بھی محمدنوازشریف سے بے پناہ محبت کرتے ہیں انہوںنے کہاکہ وسائل کی فراہمی کے حوالے سے جو فراخدلی مسلم لیگ (ن) کی وفاقی حکومت نے دکھائی ہے وہ پچھلے ستر سالوں میں کسی سیاسی جماعت نے نہیں دکھائی ،نوازشریف اور مسلم لیگ (ن) کی ان مخلصانہ اور عوام دوست پالیسیز کی وجہ سے آزادکشمیر بھی دیگر علاقوںکی طرح مسلم لیگ(ن) کا گڑھ بن چکا ہے ۔انہوں نے وفاقی وزیر اُمور کشمیر کی آزادکشمیر کی تعمیر وترقی میں دلچسپی پر اُن کا شکریہ ادا کیا اور کہا کہ اُن کے پانچ سالہ دور حکومت میں آزادکشمیر کے عوام کو بے پناہ وسائل سے نوازا گیا ہے اور آزادکشمیر کی عوام اُن کی خدمات کو قدر کی نگاہ سے دیکھتے ہیں۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.