لاہور، اپنی سیاہ کاریاں بچانے کے لیے نواز شریف نہ صرف فوج، نیب اور سپریم کورٹ جیسے ریاستی ادارے تباہ کرنے پر بضد ہیں،ڈاکٹر افتخار نقوی

نواز شریف کا اصل چہرہ آج پوری طرح قوم کے سامنے ہے،یہ پاکستان کے مستقبل سے کھلواڑ پر اترآئے ہیں،صوبائی ڈپٹی سیکرٹری جنرل مجلس وحدت المسلمین

بدھ مئی 23:41

لاہور (اُردو پوائنٹ اخبارتازہ ترین۔ 16 مئی2018ء) مجلس وحدت المسلمین پنجاب کے صوبائی ڈپٹی سیکرٹری جنرل ڈاکٹر افتخار نقوی کا نواز شریف کے ملک دشمنی میں دیئے گئے ۔ نواز شریف کا اصل چہرہ آج پوری طرح قوم کے سامنے ہے، اپنی سیاہ کاریاں بچانے کے لیے نواز شریف نہ صرف فوج،، نیب اور سپریم کورٹ جیسے ریاستی ادارے تباہ کرنے پر بضد ہیں بلکہ یہ پاکستان کے مستقبل سے کھلواڑ پر اترآئے ہیں۔

(جاری ہے)

نوازشریف اس وقت پاکستان مخالف قوتوں کے ہاتھوں میں کھیل رہے ہیں، اور اپنی ذات کو بچانے کے لیے یہ شخص ملکی اداروں کو بدنا کر رہا ہے جس پر قومی سلامتی کے اداروں کو فوری نوٹس لینا چاہیے۔ ڈاکٹر افتخار نقوی نے مطالبہ کیا کہ نواز شریف کے ملک دشمن اس بیان پر قومی سلامتی کمیٹی کا اجلاس بلایا جائے۔ انہوں نے کہا کہ نوازشریف کے بیان کامقصداداروں پردباوڈالناتھا۔ ڈاکٹر افتخار نقوی کا مزید کہنا تھا کہ نواز شریف قوم کو بتائیں کہ انہوں نے اپنے 4 سالہ دورِ وزارت عظمیٰ کے دوران زبان کیوں نہیں کھولی اور کیوں کوئی کارروائی نہیں کی۔ جبکہ نواز شریف کے اس غلط بیان ملک دشمن ادارے اور صحافتی تنظیمیں فائدہ اٹھا رہی ہیں۔