قوم کو صالح قیادت جماعت اسلامی فراہم کرسکتی ہے ،ہدایت الرحمان بلوچ

بدھ مئی 23:03

کوئٹہ (اُردو پوائنٹ اخبارتازہ ترین۔ 16 مئی2018ء) جماعت اسلامی کے صوبائی جنرل سیکرٹری ہدایت الرحمان بلو چ نے کہا کہ قوم کو صالح قیادت جماعت اسلامی فراہم کرسکتی ہے عوام نے سب جماعتوں کو آزمالیا مگرہر طرف سے مایوسی ہوئی لورالائی جیسے بڑے تجارتی شہر وزرعی علاقہ بھی منتخب نمائندوں کی نااہلی کی وجہ سے پسماندگی وغربت کی تصویر پیش کر رہی ہے بدقسمتی سے ہمارے منتخب نمائندے مالا مال جبکہ عوام بدحال ہورہے ہیں عوام الناس ووٹ دیتے وقت اچھے وبرے کی تمیز کریں تاکہ لٹیرے وغلط لوگ کامیاب نہ ہوجائیں ۔

ان خیالات کا اظہارانہوں نے جماعت اسلامی لورالائی کے ارکان اجلاس سے خطاب کرتے ہوئے کہی اس موقع پر امیر ضلع نوارالدین غلزئی ودیگر ذمہ داران نے خطاب کرتے ہوئے کہا کہ بے دینی سیکولرزم ختم کرنے کیلئے دین سے محبت کرنے والے دیانتدار لوگوں کوکامیاب کراناہوگا ۔

(جاری ہے)

بلوچستان کے عوام سیکولر قوم پرست کرپٹ عناصر سے تنگ آچکے ہیں عوامی مسائل حکمرانوں منتخب نمائندوں نے حل نہیں کیے ۔

جماعت ا سلامی ہر قسم کی کرپشن سے پاک ملک گیر منظم دینی سیاسی اور حقیقی جمہوری جماعت ہے حکومت میں نہ ہونے کے باوجود عوامی مسائل حل کرنے میں پیش پیش ہیں قرضے معاف کرنے ،پانامادبئی ودیگر کرپشن کے لیکس میں جماعت اسلامی سے تعلق رکھنے والاکوئی فرد نہیں۔۔جماعت اسلامی موروثیت سے پاک عوامی انقلابی جماعت ہے عوام جماعت اسلامی کا ساتھ دیں تاکہ کرپٹ عناصر کا راستہ روکاجاسکیں جماعت اسلامی سے وابستہ افراد عوامی رابطہ مہم کے تحت عوا م کو جماعت اسلامی میں شامل کریں جماعت اسلامی کی دعوت پہنچا دیں جماعت اسلامی کے خلاف بے بنیاد پروپیگنڈہ کرنے والے ناکام ہوئے ہیں عوام نے ان ناکام نااہل پروپیگنڈہ بازی وفتویٰ بازی کرنے والوں کو مسترد کردیا ہے جماعت اسلامی سے وابستہ افرادکا کردار سب کے سامنے ہیں عوام آئندہ الیکشن جماعت اسلامی کا ساتھ دیں جماعت اسلامی نے ہمیشہ عوامی مسائل کو اجاگر اور حل کی بھر پور جدوجہد کی ہے سینٹ وصوبائی اسمبلی میں ہمارے نمائندوں نے سب سے بڑھ کرکردار ادا کیا سینٹ الیکشن میں ہارس ٹریڈنگ والے قوم کے خیر خواہ نہیں عوام ان لوگوں کو یکسر مستردکردیں ہارس ٹریڈنگ وکرپشن کرنے والے کسی طرح بھی عوا م کے خیر خواہ نہیں ہوسکتے ۔