کرناٹک میں کانگریس کی بی جے پی کو حکومت سازی سے روکنے کی استدعا مسترد

گورنرکی ہدایت پر بی جے پی کی حکومت سازی، سپریم کورٹ کی تاریخ میں پہلی بار رات دو بجے اہم کیس کی سماعت اورفیصلہ

جمعرات مئی 12:26

نئی دہلی (اُردو پوائنٹ اخبارتازہ ترین۔ 17 مئی2018ء) بھارتی سپریم کورٹ نے تاریخ میں پہلی بار ایک ایسے کیس کی سماعت کی جو رات دو بجے شروع ہوکر تین گھنٹے جاری رہی ۔۔بھارتی ٹی وی کے مطابق سپریم کورٹ آف انڈیا نے کانگریس کی جانب سے بی جے پی کو حکومت سازی سے روکنے کی استدعا مسترد کردی اور بی جے پی کے رہنما بی ایس یڈیو رپا کو حلف اٹھانے کی اجازت دے دی۔

(جاری ہے)

بھارتی ریاست کرناٹک کے انتخابات میں بھارتیہ جنتا پارٹی 104 نشستیں جیت کر سب سے بڑی پارٹی بنی، تنازع اس وقت شروع ہوا جب گورنر نے بی جی پی کو حکومت بنانے کی ہدایت کی۔۔بھارتی آئین کے تحت حکومت سازی کے لیے کسی بھی جماعت یا اتحاد کو کم از کم 112 سیٹیں درکار ہوتی ہیں۔ انتخابات میں کانگریس نے 78 نشستیں جیتی تھیں جبکہ اسکی انتخابی اتحادی جنتا دل پارٹی نے 38 سیٹیں جیتیں مگر گورنر نے انہیں حکومت سازی کی پیش کش نہیں کی تھی۔اس معاملے پر کانگریس اور جنتا دل نے عدالت میں حکم امتناع کے لیے درخواست دی تھی، سپریم کورٹ کے تین سینئر ججوں نے کیس کی سماعت کی مگر فیصلہ بی جے پی کے حق میں ہی آیا اور بی جے پی کو حکومت سازی کی اجازت دے دی گئی