نواز شریف کیخلاف آئین کے آرٹیکل 6کے تحت کارروائی کیلئے دائردرخواستیں ناقابل سماعت قرار

جسٹس شمس محمود مرزا نے محفوظ کیا گیا فیصلہ سنایا، درخواست گزاروں کومتعلقہ فورمز سے رجوع کرنیکی ہدایت

جمعرات 17 مئی 2018 13:26

نواز شریف کیخلاف آئین کے آرٹیکل 6کے تحت کارروائی کیلئے دائردرخواستیں ..

لاہور(اُردو پوائنٹ اخبارتازہ ترین - این این آئی۔ 17 مئی2018ء) لاہور ہائیکورٹ نے پاکستان مسلم لیگ (ن) کے تاحیات قائد محمدنواز شریف کے خلاف آئین کے آرٹیکل 6کے تحت کارروائی کیلئے دائردرخواستیں ناقابل سماعت قراردیتے ہوئے خارج کر دیں ۔لاہور ہائیکورٹ کے جسٹس شمس محمود مرزا نے ممبئی حملوں سے متعلق بیان پر نواز شریف کے خلاف آئین کے آرٹیکل 6کے تحت مقدمہ دائر کرنے کیلئے دائر مختلف درخواستوں کے قابل سماعت ہونے یا نہ ہونے سے متعلق 16مئی کو فیصلہ محفوظ کیا تھا ۔

(جاری ہے)

جسٹس شمس محمود مرزا نے نوازشریف کے خلاف آرٹیکل 6 کے تحت کارروائی کیلئے دائر درخواستیں ناقابل سماعت قرار دیتے ہوئے خارج کر دیں جبکہ درخواست گزاروں کو متعلقہ فورمز سے رجوع کرنے کی ہدایت کی گئی ہے۔درخواست گزاروں کا موقف تھا کہ نواز شریف کا ممبئی حملہ سے متعلق پاکستان کیخلاف بیان جھوٹ پر مبنی ہے، جس سے کروڑوں پاکستانیوں کے جذبات مجروح ہوئے ہیں۔ ایسا کرکے نواز شریف نے اپنے حلف اور ملک سے غداری کی اس لئے عدالت ان کے خلاف مقدمہ درج کرنے کا حکم دے۔عدالت عالیہ کے جسٹس شمس محمود مرزا نے نواز شریف کے خلاف آئین کے آرٹیکل 6 کے تحت کارروائی کے لیے دائر درخواستوں پر 16 مئی کو فیصلہ محفوظ کیا تھا۔