آصف زرداری کا کرنل سہیل عابد کی شہادت پر اظہار افسوس، شہید کو خراج عقیدت پیش کیا

جمعرات 17 مئی 2018 18:22

اسلام آباد (اُردو پوائنٹ اخبارتازہ ترین - آئی این پی۔ 17 مئی2018ء) پاکستان پیپلز پارٹی پارلیمنٹیرین کے صدر اور سابق صدر مملکت آصف علی زرداری نے کرنل سہیل عابد کی شہادت پر افسوس کا اظہار کرتے ہوئے شہید کرنل کو خراج عقیدت پیش کیا ہے۔

(جاری ہے)

ایک بیان میں آصف علی زرداری نے کہا کہ مادر وطن کے دشمنوں کو کچلنے والے بہادر جوان قوم کے ہیرو ہیں۔ آصف علی زرداری نے کہا کہ بھٹو خاندان اور پاکستان پیپلزپارٹی دھرتی کو دہشت گردوں سے پاک کرنے والے وطن کے جانثار سپوتوں کو سلام کرتے ہیں۔ آصف علی زرداری نے شہید کرنل سہیل عابد کے خاندان سے تعزیت کا اظہار کرتے ہوئے کہا کہ بھٹو خاندان اور پیپلز پارٹی ان کے ساتھ شریک غم ہیں۔