سری لنکن کرکٹ بورڈ کی غیرمعمولی جنرل میٹنگ کل ہوگی،انتخابات 31 مئی کو ہوں گے

جمعہ 18 مئی 2018 09:50

کولمبو ۔ (اُردو پوائنٹ اخبارتازہ ترین - اے پی پی۔ 18 مئی2018ء) سری لنکن وزارت کھیل نے اٹارنی جنرل ڈیپارٹمنٹ حکام سے مشاورت کے بعد سری لنکا کرکٹ بورڈ کو انتخابات کی اجازت دے دی، انتخابات 31 مئی کو ہوں گے۔

(جاری ہے)

سری لنکا کرکٹ نے ابتدائی طور پر 19 مئی کو انتخابات کا اعلان کر رکھا تھا تاہم وزارت کھیل کی مداخلت کے بعد اسے 27 اپریل کو انتخابات ملتوی کرنے پڑے تھے۔ سری لنکا کرکٹ بورڈ کی طرف سے جاری کردہ بیان کے مطابق وزارت کھیل نے انتخابات کی اجازت دے دی ہے اور اب انتخابات 31 مئی کو ہوں گے، اس سلسلے میں بورڈ کی غیرمعمولی جنرل میٹنگ کل ہفتہ کو ہو گی جس میں الیکشن کمیٹی تشکیل دی جائے گی۔ واضح رہے کہ سری لنکا کرکٹ بورڈ کے موجودہ عہدیداران کی مدت 31 مئی کو ختم ہو جائے گی۔