سبزیوں اورپھلوں کا استعمال ڈیپریشن اورذہنی تنائو کودورکرنے میں اہم کردار اداکرتاہے، ماہرین غذائی

جمعہ مئی 11:10

قصور۔18 مئی(اُردو پوائنٹ اخبارتازہ ترین۔ 18 مئی2018ء)کچی سبزیوں اورپھلوں کا باقاعدہ استعمال ڈیپریشن اورذہنی تنائو کودورکرنے میں اہم کردار اداکرتاہے۔

(جاری ہے)

اگرچہ روایتی ماہرین غذائیات روزانہ5مرتبہ خاص انداز میں پھل اور سبزیاں کھانے پر زور دیتے ہیں لیکن جب بات ذہنی تنائواورڈیپریشن کی ہو تو اس کے شکار افراد اپنی خوراک میں اس کا مزید اضافہ کرسکتے ہیں‘کچی سبزیاں اور پھل براہ راست انسانی موڈ پر اثراندازہوتے ہیں اس کیوجہ یہ کہ سبزیوں کو پکانے‘ بھوننے اور گرم کرنے سے ان کے اندر کئی اہم غذائی اجزاء ضائع ہوسکتے ہیں۔

نیوزی لینڈ میں18سے 25برس کے 400بالغ افراد نے ایک مطالعے میں حصہ لیا کیونکہ اس عمرکے لوگ سبزیاں اورپھل کم کھاتے ہیں اور ان میں ڈیپریشن کے امکانات بھی زیادہ ہوتے ہیں‘ڈاکٹروں کامشورہ ہے کہ آپ گہری رنگت کے پتوں والی سبزیاں‘گاجر‘کھیرے‘ سیب‘ کیوی‘کیلے‘تازہ بیریاں اور ترش پھل زیادہ کھائیں جن کے فوائدمسلمہ ہیں پھر ان کا فائدہ یہ بھی ہے کہ یہ بدن میں جلن کم کرتی ہیں اور ذیابیطس کودوررکھتی ہیں۔