کوئٹہ، رمضان لمبارک میں جماعت اسلامی کے فہم القرآن کلاسزکا آغاز

مولانا عبدالحق ہاشمی صوبائی دفتر ،مولانا عبدالخالق نواکلی میں قرآن پاک کی تفسیر وترجمہ پڑھائیں گے

جمعہ 18 مئی 2018 16:16

کوئٹہ (اُردو پوائنٹ اخبارتازہ ترین - این این آئی۔ 18 مئی2018ء) جماعت اسلامی کے تحت بلوچستان کے مختلف اضلاع میں رمضان المبارک میں ترجمہ وتفسیر قرآن کلاسزکا اہتمام کیا گیا ہے صوبائی دارالحکومت کوئٹہ کے چھ زونزمیں بھی فہم القرآن کلاسزشروع ہوگئی صوبائی دفترالفلاح ہائوس الگیلانی روڈکوئٹہ میں تحریک محنت کے زیراہتمام یکم رمضان سے 25رمضان تک 25روزہ فہم القرآن کلاس کا اہتمام کیا گیا ہے شرکاء کیلئے تفاسیر قرآن ،سیرت پاک ،فقہ وحدیث اور دینی کتب کا اسٹال بھی ہوگا جس میں وہ خریداری سکتے ہیں۔

(جاری ہے)

مدرس عالم دین وجماعت اسلامی کے صوبائی امیر مولانا عبدالحق ہاشمی ہوں گے کلاس روزانہ شام 5بجے تاساڑے چھ بجے ہوگی۔جبکہ عالم دین وپروفیسر مولاناعبدالخالق مندوخیل بھی یکم رمضان المبارک سے مدرسہ صوت القرآن نزدبشیرآباد گل باران چوک نواکلی میں روزانہ بعدنماز ظہر تین بجے سے قرآن کلاس میں ترجمہ وتفسیر قرآن پڑھائیں گے کلاسز میں پابندی وقت ضروری ہے ۔شائقین درس قرآن سے شرکت کی استدعاکی گئی ہے ۔