فنڈریز ٹی 20، بوم بوم آفریدی انجری کے باعث ورلڈ الیون سے باہر

جمعہ 18 مئی 2018 21:35

لندن (اُردو پوائنٹ اخبارتازہ ترین - آئی این پی۔ 18 مئی2018ء) بوم بوم شاہد آفریدی ویسٹ انڈیز کے خلاف ٹی ٹوئنٹی میچ میں ورلڈ الیون کا حصہ نہیں ہوں گے۔ گھٹنے کی انجری سے نجات پانے کے لیے شاہد آفریدی کو 3سے 4ہفتے درکار ہیں ۔

(جاری ہے)

شاہد آفریدی نے اپنے ایک پیغام میں کہا ہے کہ دبئی میں اپنے ڈاکٹر کو گھٹنے کا چیک اپ کرایا ہے، مکمل طور پر تکلیف ٹھیک نہیں ہو سکی ہیاور مجھے ابھی مکمل صحت یاب ہونے کے لیی3 سے 4 ہفتے درکار ہیںتاہم مجھے امید ہے کہ میں مکمل فٹنس حاصل کر لو ں گا ۔

ویسٹ انڈیز اور ورلڈ الیون کے درمیان فنڈز اکٹھا کرنے کے لیے ٹی 20 میچ 31 مئی کو لارڈز میں کھیلا جانا ہے جبکہ شاہد آفریدی کو مکمل فٹنس کے لیے 3سے 4 ہفتے درکار ہیں اور اس لیے میچ میں ان کی شرکت کے امکانات نہیں ہیں۔2016میں انٹرنیشنل کرکٹ کو خیرباد کہنے والیشاہد آفریدی کو ایک بار پھر کسی انٹرنیشنل میچ کے دوران ایکشن میں نظر آنا تھا جبکہ شاہد آفریدی پاکستان سپر لیگ تھری سے گھٹنے کی انجری کا شکار ہیں ۔