فرانس، دہشت گرد حملہ ناکام، دو مصری بھائی زیر حراست،حکام

جمعہ مئی 21:41

فرانس، دہشت گرد حملہ ناکام، دو مصری بھائی زیر حراست،حکام
پیرس(اُردو پوائنٹ اخبارتازہ ترین۔ 18 مئی2018ء) فرانسیسی حکام نے ایک دہشت گردانہ حملے کو ناکام بنا دیا،دو بھائی زیر حراست لے لئے گئے۔غیر ملکی میڈیا کے مطابق فرانسیسی وزیر داخلہ ژیرار کولومب کے مطابق آج دو بھائیوں کو حراست میں لیا گیا ہے، جن پر شبہ ہے کہ وہ دھماکا خیز مواد یا زہریلی گیس کے ذریعے تخریب کاری کرنا چاہتے تھے۔

(جاری ہے)

ان دونوں بھائیوں کا تعلق مصر سے بتایا گیا ہے۔ گزشتہ ہفتے کے روز پیرس میں خنجر سے کیے جانے والے ایک حملے میں ایک شخص ہلاک اور پانچ زخمی ہو گئے تھے۔تفتیشی حکام کے مطابق یہ حملہ مذہبی بنیادوں پر کیا گیا تھا۔ فرانس میں2015 کے بعد سے اب تک شدت پسندانہ حملوں میں 240 سے زائد افراد ہلاک ہو چکے ہیں۔

متعلقہ عنوان :