نوازشر یف اپنی300ارب بچانے کیلئے نیلسن منڈیلا بنے ہوئے ہیں‘ عمران خان

لاہور(اُردو پوائنٹ اخبارتازہ ترین - آئی این پی۔ 18 مئی2018ء) چیئرمین پاکستان تحریک انصاف عمران خان نے کہا ہے کہ نوازشر یف اپنی300ارب بچانے کیلئے نیلسن منڈیلا بنے ہوئے ہیں‘(ن) ملک میں فوج سمیت تمام اداروں کو تباہ کر نا چاہتی ہے اور نوازشر یف کے قومی اداروں کے خلاف بیان بھی قوم کے سامنے ہیں ‘ موجودہ حکمرانوں کے اقتدار میں آنے سے پہلے اور بعد کے اثاثے دیکھ لیے جائیں، پتا چل جائے گا کہ یہ سیاست میں کیوں آئے‘کہ پاکستان کا قرض 10 سال میں 27 کھرب روپے تک پہنچ گیا ہے، جو بھی اقتدار سنبھالے گا اس کے لیے بحران میں گھرا پاکستان ہوگا‘ میں نے آخری دو سال کرکٹ کینسر اسپتال بنانے کیلئے کھیلی، کینسر اسپتال کیلئے 20 میں سے 19 افراد نے کہا کہ نہیں بنے گا‘ پاکستان کو آج متعدد چیلنجزکا سامنا ہے، پاکستان کیوں پیچھے رہ گیا جس معاشرے میں انصاف نہ ملے وہ آگے نہیں جاسکتا۔

(جاری ہے)

لاہور میں تقریب سے خطاب کرتے ہوئے چیئرمین تحریک انصاف نے کہا کہ جو صلاحیت قائداعظم کے پاس تھی کسی کے پاس نہیں تھی، برطانیہ کے پاس بھی قائد اعظم جیسے وکالت والی صلاحیت نہیں تھی، قائد اعظم وہ سیاستدان تھے جو آزادی کے لیے نکلے تھے آج پاکستان کا قرض 10 سال میں 27 کھرب روپے تک پہنچ گیا ہے، جو بھی اقتدار سنبھالے گا اس کے لیے بحران میں گھرا پاکستان ہوگا۔

عمران خان نے کہا کہ مجھے سیاست میں آنے کی ضرورت نہیں تھی ، سیاست ایک مقصد کے لیے کر رہا ہوں لیکن کچھ لوگوں کا مقصد سیاست میں آکر پیسا بنانا ہوتا ہے۔انہوں نے کہا کہ میں نے آخری دو سال کرکٹ کینسر اسپتال بنانے کیلئے کھیلی، کینسر اسپتال کیلئے 20 میں سے 19 افراد نے کہا کہ نہیں بنے گاعمران خان نے کہا کہ انگلینڈ میں منی لانڈرنگ میں پکڑا گیا سیاستدان عوام میں جاتا توعوام اس کا برا حال کردیتی، جو ملک ہم سے آگے ہیں وہ اخلاقیات میں بھی ہم سے آگے ہیںچیئرمین پی ٹی آئی نے کہا کہ یہاں یہ اپنے 300 ارب بچانے کیلئے نیلسن منڈیلا بنے ہوئے ہیں۔