ڈسٹرکٹ ریٹرنگ آفیسر ڈسٹرکٹ سیشن جج اٹک سہیل اکرام نے ریٹرنگ افسران سے حلف لے لیا

جمعہ 18 مئی 2018 22:06

اٹک (اُردو پوائنٹ اخبارتازہ ترین - آئی این پی۔ 18 مئی2018ء) الیکشن کمیشن کی ہدایت پر پاکستان کے 136 اضلاع کی طرح اٹک میں بھی ڈسٹرکٹ ریٹرنگ آفیسر ڈسٹرکٹ اینڈ سیشن جج اٹک سہیل اکرام نے آئندہ عام انتخابات کیلئے اٹک سے قومی اسمبلی کی 2 اور پنجاب اسمبلی کی 5 نشستوں کیلئے مقرر کیے گئے ریٹرنگ آفیسروں ایڈیشنل ڈسٹرکٹ اینڈ سیشن جج ، ریٹرنگ آفیسر اشفاق احمد رانا ، ایڈیشنل ڈسٹرکٹ اینڈ سیشن جج ریٹرنگ آفیسر راجہ شاہد ضمیر ، سینئر سول جج ایڈمن ریٹرنگ آفیسر شفقت شہباز راجہ ، سینئر سول جج جوڈیشل ریٹرنگ آفیسر ملک شاہد حسین اعوان ، سینئر سول جج گارڈین ریٹرنگ آفیسر عمررشید ، سول جج ریٹرنگ آفیسر سیف اللہ تارڑ ، سول جج ریٹرنگ آفیسر طلال ارشد سے بطور آروز حلف لیا ۔