مکہ: رمضان کے دوران زائرین کو منظم کرنے کیلئے ڈرونز کا استعمال

کسی قسم کی گڑ بڑ کرنیوالے زائرین اور عازمینِ عمرہ کو مسجد الحرام میں داخل ہونے کی اجازت نہیں دی جائے گی ، ڈپٹی کمانڈر عمرہ فورسز

ہفتہ مئی 16:10

مکہ(اُردو پوائنٹ اخبارتازہ ترین۔ 19 مئی2018ء) سعودی عرب کے مقدس شہر مکہ مکرمہ میں واقع مسجد الحرام میں بھی اس رمضان المبارک کے دوران پہلی مرتبہ زائرین کو منظم کرنے کے لیے ڈرونز کا استعمال کیا جائے گا۔۔سعودی گزٹ کی ایک رپورٹ کے مطابق عمرہ فورسز کے ڈپٹی کمانڈر نے مقامی روزنامے سے گفتگو کرتے ہوئے بتایا کہ عام زائرین اور عازمین عمرہ کے ہجوم کے انتظام کے لیے وضع کردہ اس منصوبے میں سیکیورٹی، تنظیمی اور انسانی پہلو شامل ہیں۔

(جاری ہے)

انہوں نے بتایا کہ جو زائرین اور عازمینِ عمرہ کسی قسم کی گڑ بڑ ظاہر کریں گے، انھیں مسجد الحرام میں داخل ہونے کی اجازت نہیں دی جائے گی اور یہ اقدام ان کے اور دوسروں کے تحفظ کے پیش نظر کیا جائے گا۔انہوں نے مزید بتایا ہے کہ زائرین یا عازمین عمرہ کو ان کے سامان سمیت الحرم پلازہ میں داخل نہیں ہونے دیا جائے گا۔واضح رہے کہ مسجد الحرام میں لوگوں کی نقل وحرکت کی نگرانی کے لیے تقریباً 2500 کیمرے نصب ہیں اور اب ڈرونز اور سیکیورٹی طیارے بھی فضا میں گردش کرتے نظر آئیں گے۔